ഇറാന്‍ പിടിച്ചെടുത്ത ഇസ്‌റാഈലി കപ്പലില്‍ ജോലി ചെയ്തിരുന്ന മലയാളി പെണ്‍കുട്ടി നാട്ടിലെത്തി. ആന്റസ ജോസഫ് എന്ന പെണ്‍കുട്ടി നാട്ടിലേക്ക് തിരിച്ചെത്തിയ വിവരം കേന്ദ്ര വിദേശകാര്യ മന്ത്രാലയമാണ് അറിയിച്ചത്. കൊച്ചി വിമാനത്താവളത്തില്‍ ഇറങ്ങിയ പെണ്‍കുട്ടി അവിടെ നിന്ന് വീട്ടിലേക്ക് പോകുകയായിരുന്നു.ഒരു വര്‍ഷം മുമ്പാണ് മുംബൈയിലെ എം.എസെ്.സി ഷിപ്പിങ്ങ് കമ്പനിയില്‍ യുവതി ജോലിക്ക് പ്രവേശിച്ചത്.

ഏപ്രില്‍ 13നായിരുന്നു ഇസ്‌റാഈലിന്റെ നിരന്തരമുള്ള പ്രകോപനങ്ങളെത്തുടര്‍ന്ന് ഇറാന്‍ ഹോര്‍മുസ് കടലിടുക്കില്‍ നിന്ന് ഇസ്‌റാഈലി ബന്ധമുള്ള കപ്പല്‍ പിടിച്ചെടുത്തത്. കപ്പലിലെ ജീവനക്കാരില്‍ 17 പേര്‍ ഇന്ത്യന്‍ പൗരന്മാരാണ്.ഇതില്‍ ആന്റസയടക്കം രണ്ട് മലയാളികളാണ് ഉണ്ടായിരുന്നത്. പാലക്കാട് സ്വദേശിയായ സുമേഷായിരുന്നു കപ്പലിലെ മറ്റൊരു മലയാളി.