തിരുവനന്തപുരം: ആഴക്കടല്‍ മത്സ്യബന്ധനത്തിനിടെ ബ്രിട്ടീഷ് നാവികസേനയുടെ പിടിയിലായ മത്സ്യത്തൊഴിലാളികളെ മോചിപ്പിക്കാന്‍ കേന്ദ്ര സര്‍ക്കാര്‍ ഇടപെടണമെന്ന് ആവശ്യപ്പെട്ട് മുഖ്യമന്ത്രി പിണറായി വിജയന്‍ വിദേശകാര്യ മന്ത്രി സുഷമ സ്വരാജിന് കത്തയച്ചു. പ്രശ്‌നത്തിന്റെ ഗൗരവം ടെലഫോണില്‍ അറിയിച്ചതിന് തൊട്ടുപിന്നാലെയാണ് കത്തയച്ചത്.
കഴിഞ്ഞ മെയ് 14നു കൊച്ചി ഹാര്‍ബറില്‍ നിന്ന് ആഴക്കടല്‍ മത്സ്യബന്ധനത്തിനായി രണ്ടു ബോട്ടുകളില്‍ പുറപ്പെട്ട 19 മത്സ്യത്തൊഴിലാളികള്‍് 27നാണ് ഡിയാഗോ ഗാര്‍ഷ്യയില്‍ ബ്രിട്ടീഷ് നാവികസേനയുടെ അറസ്റ്റിലായത്. ഇവരില്‍ അഞ്ചു പേര്‍ മലയാളികളാണ്.
13 പേര്‍ തമിഴ്‌നാട്ടുകാരും ഒരാള്‍ അസം സ്വദേശിയുമാണ്. ഇവരെ മോചിപ്പിക്കാന്‍ അടിയന്തിരമായി കേന്ദ്ര സര്‍ക്കാര്‍ ഇടപെടണമെന്ന് മുഖ്യമന്ത്രി വിദേശകാര്യമന്ത്രിയോട് അഭ്യര്‍ഥിച്ചു.