തിരുവനന്തപുരം: കോണ്‍ഗ്രസില്‍ നേതൃമാറ്റം വേണമെന്ന ആവശ്യം പാര്‍ട്ടി യോഗത്തില്‍ ഉയര്‍ന്നിട്ടില്ലെന്ന് കെ.പി.സി.സി പ്രസിഡന്റ് വി.എം സുധീരന്‍. തനിക്കെതിരേ വിമര്‍ശനങ്ങള്‍ ഉയര്‍ന്നു എന്ന വാര്‍ത്ത വാസ്തവവിരുദ്ധമാണെന്നും ഡല്‍ഹിയിലേക്കു പുറപ്പെടുന്നതിനു മുന്‍പ് മാധ്യമ പ്രവര്‍ത്തകരെ കണ്ട അദ്ദേഹം പറഞ്ഞു. നേതൃയോഗം സംബന്ധിച്ച് മാധ്യമങ്ങളില്‍ വന്ന വാര്‍ത്തകളില്‍ പലതും തെറ്റിദ്ധാരണാജനകമാണ്. അത്തരം വാര്‍ത്തകള്‍ പ്രചരിപ്പിച്ചവരാരും തന്നെ യോഗത്തില്‍ അതുന്നയിച്ചിട്ടില്ല. ആരെയും വ്യക്തിപരമായി കുറ്റപ്പെടുത്തിക്കൊണ്ടുള്ള വിമര്‍ശനങ്ങള്‍ ഉയര്‍ന്നിട്ടില്ലെന്നും ചര്‍ച്ചകള്‍ ക്രിയാത്മകമായിരുന്നെന്നും അദ്ദേഹം പറഞ്ഞു.