കോഴിക്കോട്: ഗതാഗത കുരുക്കിന് പരിഹാരമായി മാനാഞ്ചിറ- വെള്ളിമാട്കുന്ന് റോഡ് വികസനം, പുതിയപാലത്ത് വലിയ പാലം, കോവൂര്‍ എം.എല്‍.എ റോഡ് വികസനം പദ്ധതികള്‍ യാഥാര്‍ഥ്യമാക്കുന്നതിന് പ്രധാന പരിഗണന നല്‍കുമെന്ന് ഡോ. എം.കെ മുനീര്‍ എം.എല്‍.എ പറഞ്ഞു. സൗത്ത് മണ്ഡലത്തില്‍ വിജയിച്ച മുനീറിന് മണ്ഡലം യു.ഡി.എഫ് കമ്മിറ്റി ലീഗ് ഹൗസ് ഓഡിറ്റോറിയത്തില്‍ നല്‍കിയ സ്വീകരണത്തില്‍ സംസാരിക്കുകയായിരുന്നു അദ്ദേഹം.
തെരഞ്ഞെടുപ്പ് കമ്മിറ്റി വര്‍ക്കിങ് ചെയര്‍മാന്‍ എസ്.കെ അബൂബക്കര്‍ അധ്യക്ഷനായി. ജനറല്‍ കണ്‍വീനര്‍ കെ. മൊയ്തീന്‍കോയ തെരഞ്ഞെടുപ്പ് പ്രവര്‍ത്തന അവലോകനം ചെയ്തു. ടി.പി.എം സാഹിര്‍, പാലക്കണ്ടി മൊയ്തീന്‍ അഹമ്മദ്, എസ്.കെ കുഞ്ഞിമോന്‍, കെ.പി രാജന്‍, മനക്കല്‍ ശശി, ഉഷാ ഗോപിനാഥ്, എസ്.വി ഉസ്മാന്‍കോയ, ഹാഷിം മനോളി, സി. അബ്ദുറഹ്മാന്‍, ഇ.വി ഉസ്മാന്‍കോയ, വി. റാസിഖ്, ടി. മൊയ്തീന്‍കോയ, ബ്രസീലിയ ശംസുദ്ദീന്‍, പി.എം ഹനീഫ്, സി.ടി സക്കീര്‍ ഹുസൈന്‍, കെ.ടി ബീരാന്‍കോയ പി. മമ്മു, ആയിശബി പാണ്ടികശാല, വി. അബ്ദുറസാഖ് സംസാരിച്ചു. വി.കെ ആലിക്കോയ നന്ദി പറഞ്ഞു.