നെട്ടൂര്‍: സര്‍വ്വന്റ്‌സ് ഓഫ് സൊസൈറ്റിയുടെ ആഭി മുഖ്യത്തില്‍ വിദ്യാഭ്യാസ അവാര്‍ഡ് ദാനവും നിര്‍ദ്ദനരായ വിദ്യാര്‍ത്ഥികള്‍ക്ക് പഠനോപകരണ വിതരണവും പ്രിയദര്‍ശിനി കമ്യൂണിറ്റി ഹാളില്‍ വി.കെ ഇബ്രാഹീം കുഞ്ഞ് എം.എല്‍.എ ഉദ്ഘടനം ചെയ്തു. ചെയര്‍മാന്‍ അഡ്വ.പി.എ അബ്ദുള്‍ മജീദ് പറക്കാടന്‍ അധ്യക്ഷനായി.
മികച്ച ആശ വര്‍ക്കറായി ജില്ലാ മെഡിക്കല്‍ ഒഫീസറുടെ അവാര്‍ഡിന് അര്‍ഹയായ ശാലിനി അനില്‍ രാജിനെയും എസ്.എസ്. എല്‍.സി പരീക്ഷയില്‍ എല്ലാ വിഷയങ്ങള്‍ക്കും എ പ്ലസ് നേടിയ മരട് മാങ്കായില്‍ സ്‌കൂള്‍ വിദ്യാര്‍ത്ഥി ഉത്തര്‍ പ്രദേശ് സ്വദേശിയായ വിദ്യാര്‍ത്ഥി സാദിക്കിനെയും ചടങ്ങില്‍ ആദരിച്ചു.
മരട് നഗരസഭ വൈസ് പ്രസിഡന്റ് കെ.എ ദേവസി, കൗണ്‍സിലര്‍ അനിതകുമാരി മുസ്ലിം ലീഗ് സംസ്ഥാന കൗണ്‍സില്‍ അംഗം സി.എം ഇബ്രാഹീം ഹാജി, എന്‍.കെ അബ്ദുള്‍ മജീദ്, മന്‍സൂര്‍ അഹമ്മദ്, എ.എം മന്‍സൂര്‍, എം.എം അബ്ദുള്‍ റഹ്മാന്‍, അബ്ദുള്‍ ലത്തീഫ് എന്നിവര്‍ പ്രസംഗിച്ചു.