വില്ല്യാപ്പള്ളി: സമകാലിക ഇന്ത്യയിലെ മാനുഷിക വിരുദ്ധ പ്രവണതകള്‍ക്ക് പ്രതിരോധം തീര്‍ക്കാന്‍ കലകള്‍ക്കും കലാകാരന്മാര്‍ക്കും കഴിയുമെന്ന് പ്രശസ്ത സിനിമാ നടന്‍ സുധീഷ് പറഞ്ഞു.
എം.ജെ വൊക്കേഷനല്‍ ഹയര്‍ സെക്കന്‍ഡറി സ്‌കൂളില്‍ എസ്.എസ്.എല്‍.സി പരീക്ഷയില്‍ എല്ലാ വിഷയത്തിലും എപ്ലസ് നേടിയ കുട്ടികള്‍ക്ക് പി.ടി.എ ഏര്‍പ്പെടുത്തിയ ഗോള്‍ഡ് മെഡല്‍ വിതരണം ചെയ്ത് സംസാരിക്കുകയായിരുന്നു അദ്ദേഹം. പഞ്ചായത്ത് പ്രസിഡന്റ് കെ.കെ മോഹനന്‍ ഉദ്ഘാടനം ചെയ്തു.
പി.ടി.എ പ്രസിഡന്റ് ടി.കെ അബ്ദുല്‍ അസീസ് അധ്യക്ഷനായി. ആര്‍ യൂസുഫ് ഹാജി, കാര്യാട്ട് കുഞ്ഞമ്മദ് മാസ്റ്റര്‍, പി ഹരീന്ദ്രനാഥ്, കെ.കെ ജസീല്‍, ടി.എം ദാസന്‍, വി.കെ കുഞ്ഞമ്മദ്, ആര്‍.കെ അബ്ദുല്ല, കെ.എം ബാബു, അരീക്കല്‍ രാജന്‍, ഫൈസല്‍ അരോമ, ഉഷാര്‍ ശശി, എം.എ സിറാജുദ്ദീന്‍ സംസാരിച്ചു.