ബാലുശ്ശേരി: കോട്ടയം ഈരാറ്റുപേട്ടയില്‍ നിന്നും ബാലുശ്ശേരി വഴി ചക്കിട്ടപാറയിലേക്ക് കെ.എസ്.ആര്‍.ടി.സി.ബസ് സര്‍വീസ് ആരംഭിച്ചു. രാവിലെ ഏഴിന് ഈരാറ്റുപേട്ടയില്‍ നിന്നും പുറപ്പെടുന്ന ബസ് വൈകീട് ആറിന് ചക്കിട്ടപാറയിലെത്തും. രാത്രി ഒന്‍പതിന് ചക്കിട്ടപാറയില്‍ നിന്നും പുറപ്പെട് രാത്രി പത്തിന് ബാലുശ്ശേരിയിലെത്തി രാവിലെ ആറിന് ഈരാറ്റുപേട്ടയിലെത്തും. ബാലുശ്ശേരി ഭാഗത്തു നിന്നും രാത്രി എട്ടര കഴിഞ്ഞാല്‍ പിന്നീട് ബസ് സര്‍വീസ് ഇല്ലായിരുന്നു. പുതിയ കെ.എസ്.ആര്‍.ടി.സി അവര്‍ക്ക് അനുഗ്രഹമായി. ബാലുശ്ശേരിയിലെത്തിയ ബസിനെ നാട്ടുകാരും യാത്രക്കാരും വരവേറ്റു.