കൊച്ചി: എറണാകുളം മഹരാജാസ് കോളജിനു സമിപത്ത് വച്ച് എസ്.എഫ്.ഐ കെ.എസ്.യു പ്രവര്‍ത്തകര്‍ ഏറ്റുമുട്ടി. ഇന്നലെ വൈകിട്ട് എഴരയോടെയാണ് സംഭവം. എറ്റുമുട്ടലില്‍ ച്‌ല പ്രവര്‍ത്തകര്‍ക്ക് പരിക്കേറ്റു. ഡി.സി.സി ഓഫിസിനു സമീപമുണ്ടായിരുന്ന കടയും അക്രമത്തില്‍ തകര്‍ന്നു. നിയമസഭ തെരഞ്ഞെടുപ്പില്‍ എല്‍ഡിഎഫ് വിജയിച്ചതില്‍ ആഹ്‌ളാദം പ്രകടിപ്പിച്ച് പ്രകടനം നടത്തിയിരുന്ന തങ്ങളെ കെ.എസ്.യുക്കാര്‍ ആക്രമിക്കുകയായിരുന്നവെന്ന് എസ്.എഫ്.ഐ പ്രവര്‍ത്തകര്‍ പറഞ്ഞു. '
ആഹ്ലാദ പ്രകടനത്തിന്റെ മറവില്‍ എന്നാല്‍ എസ്.എഫ്.ഐ പ്രവര്‍ത്തകര്‍ തങ്ങളെ ആക്രമിക്കുകയായിരുന്നവെന്ന് കെ.എസ്.യു പ്രവര്‍ത്തകര്‍ പറഞ്ഞു. അക്രമത്തില്‍ കെ.എസ്.യു ജില്ലാ പ്രസിഡന്റ് ടിറ്റോ ആന്റണി, എസ്.എഫ്.ഐ പ്രവര്‍ത്തകരായ കണ്ണന്‍ സലിംകുമാര്‍, ഫൈസല്‍ എന്നിവര്‍ക്ക് പരുക്കേറ്റു. അക്രമത്തില്‍ പരുക്കേറ്റ കെ.എസ്.യു പ്രവര്‍ത്തകരെ ആശുപത്രിയില്‍ പ്രവേശിപ്പിക്കണനമെന്നും തനിക്ക് എതിരെ അസഭ്യം പറഞ്ഞ എസ്.എഫ്.ഐ പ്രവര്‍ത്തകര്‍ക്കെതിരേ നടപടി എടുക്കണമെന്നാവശ്യപ്പെട്ട് തൃക്കാക്കര എം.എല്‍.എ പി.ടി തോമസ് സെന്‍ട്രല്‍ സ്റ്റേഷനുമുന്നില്‍ രാത്രി വൈകിയും കുത്തിയിരുപ്പ് സമരം നടത്തുകയാണ്.