നിലമ്പൂര്‍: കഴിഞ്ഞ പത്ത് വര്‍ഷം പരിസ്ഥിതി ദിനത്തില്‍ ലക്ഷ കണക്കിന് തൈകളാണ് സംസ്ഥാനത്ത് നട്ടത്. അവ ഇന്നുണ്ടായിരുന്നെങ്കില്‍ കേരളം മുഴുവന്‍ പച്ചപ്പാകുമായിരുന്നുവെന്ന് പി.വി അന്‍വര്‍ എം.എല്‍.എ. നിലമ്പൂരില്‍ കേരള ഫോറസ്റ്റ് പ്രൊട്ടക്ടീവ് സ്റ്റാഫ് അസോസിയേഷനും, ക്ലീന്‍ കള്‍ച്ചര്‍ ക്ലബ് ഇന്ത്യയും ചേര്‍ന്ന് കെ.എന്‍.ജി പാതയോരത്ത് വൃക്ഷത്തൈ നടീല്‍ ഉദ്ഘാടനം ചെയ്യുകയായിരുന്നു അദ്ദേഹം. പ്രകൃതിയെ നിലനിര്‍ത്തിയുള്ള വികസനമാണ് വേണ്ടതെന്നും വൃക്ഷ തൈകള്‍ നട്ടാല്‍ മാത്രം പോര അവ പരിപാലിക്കാനുള്ള പ്രവര്‍ത്തനവും തുടര്‍ന്നുണ്ടാകണമെന്നും അദ്ദേഹം പറഞ്ഞു. ഡിഎഫ്ഒ ഓഫീസ് പരിസരത്ത് അരയാല്‍ തൈയ്യും എം.എല്‍.എ നട്ടു. ജില്ലാ പ്രസിഡന്റ് പി. അബ്ദുല്‍ കരീം അൃ്യക്ഷനായി. ഡിഎഫ്ഒ ഡോ. ആര്‍ ആടലരശന്‍, ഫിയാസ് കരുളായി, എം. ശ്രീജിത്ത് എന്നിവര്‍ പ്രസംഗിച്ചു.
നിലമ്പൂര്‍ ചന്തക്കുന്ന് ഡിവിഷനില്‍ ഒരു കുടയും കുഞ്ഞു മരവും പദ്ധതി വേറിട്ടതായി. മുഴുവന്‍ വീടുകളിലും വൃക്ഷ തൈയും, പരിസ്ഥിതി സന്ദേശങ്ങള്‍ ആലേഖനം ചെയ്ത കുടയും നല്‍കി. പി.വി അന്‍വര്‍ എംഎല്‍എ ഉദ്ഘാടനം ചെയ്തു. കൗണ്‍സിലര്‍ മുസ്തഫ കളത്തുംപടിക്കല്‍ അധ്യക്ഷനായി. നഗരസഭ വൈസ് ചെയര്‍മാന്‍ പി.വി ഹംസ, ഡിഎഫ്ഒ ഡോ. ആര്‍. ആടലരശന്‍, എസിഎഫ് വി.പി ജയപ്രകാശ്, കൗണ്‍സിലര്‍മാരായ എന്‍. വേലുക്കുട്ടി, അരുമ ജയകൃഷ്ണന്‍, മുജീബ് ദേവശ്ശേരി, കെ. അസ്‌റത്ത്, റവ. ഡോ. ജോണ്‍സണ്‍ തേക്കടയില്‍, സിസ്റ്റര്‍ മരീനി എന്നിവര്‍ പ്രസംഗിച്ചു.
നിലമ്പൂര്‍ ജില്ലാ ആശുപത്രിയില്‍ വൃക്ഷത്തൈനട്ട് പരിസ്ഥിതി ദിനാചരണം അന്‍വര്‍ എംഎല്‍എ ഉദ്ഘാടനം ചെയ്തു. കൗണ്‍സിലര്‍ ഗിരീശന്‍ മോളൂര്‍ മഠത്തില്‍ അധ്യക്ഷനായി. സൂപ്രണ്ട് ഡോ. പി. സീമാമു, ആര്‍എംഒ ഡോ. മൂനീര്‍ മോയിക്കല്‍ എന്നിവര്‍ പ്രസംഗിച്ചു. പരിസരം ശുചീകരിച്ചു.
നിലമ്പൂര്‍: മാനവേദന്‍ സ്‌കൂള്‍ സ്റ്റുഡന്റ് പോലീസ് വൃക്ഷത്തൈകള്‍ നട്ടു. ഡി.എഫ്.ഓ ഡോ.ആടലരശന്‍, കൗണ്‍സിലര്‍മാരായ മുജീബ് ദേവശ്ശേരി, മുംതാസ് ബാബു, പി.ടി.എ പ്രസിഡന്റ് രജീന്ദ്രബാബു, പ്രധാനാധ്യാപകന്‍ എ.കൃഷ്ണദാസ് തുടങ്ങിയവര്‍ പങ്കെടുത്തു.
നിലമ്പൂര്‍: കോവിലകത്തുമുറി യുണൈറ്റഡ് ക്ലബ് വൃക്ഷത്തൈകള്‍ നട്ടു. ഏസിഎഫ് വി.പി ജയപ്രകാശ് ഉദ്ഘാടനം ചെയ്തു. ടി.വി മധുസൂദനന്‍ അധ്യക്ഷനായി. ടി.പി കൃഷ്ണകുമാര്‍, പി.പി ഗര്‍വാസീസ്, പി. രജനി എന്നിവര്‍ പ്രസംഗിച്ചു.
നിലമ്പൂര്‍: പരിസ്ഥിതി സംരക്ഷണത്തിന് ക്ലീന്‍ കള്‍ച്ചര്‍ ക്ലബ് നെഹ്‌റു യുവ കേന്ദ്രയുമായി സഹകരിച്ച് യുവജന പാര്‍ലിമെന്റ് നടത്തി. പി.വി അന്‍വര്‍ എംഎല്‍എ ഉദ്ഘാടനം ചെയ്തു. ജില്ലാ കോഓര്‍ഡിനേറ്റര്‍ മുഹമ്മദ് കുഞ്ഞി, ഫിയാസ് കരുളായി, എന്നിവര്‍ പ്രസംഗിച്ചു.
നിലമ്പൂര്‍: മൂസ്‌ലീം യുത്ത് ലീഗ് മുനിസിപ്പല്‍ കമ്മിറ്റി വൃക്ഷത്തൈകള്‍ നട്ടു പിടിപ്പിച്ചു. പരിസ്ഥിതി ദിനാചരണത്തിന്റെ ഭാഗമായി നടന്ന ചടങ്ങില്‍ പി.വി.ഹംസ ഉദ്ഘാടനം ചെയ്തു. കെ.എം.എസ് കുട്ടി, സീമാടന്‍ അബ്ദു സമദ്, നിയാസ് മുതുകാട് തുടങ്ങിയവര്‍ സംബന്ധിച്ചു.
നിലമ്പൂര്‍: വീട്ടിക്കുത്ത് ചില്ല റസിഡന്റ്‌സ് അസോസിയേഷന്‍ പാട ശേഖര സമിതി പ്രസിഡന്റായിരുന്ന കെ. ബാലകൃഷ്ണന്‍ എഴുത്തച്ഛന്റെ സ്മരണക്ക് വൃക്ഷത്തൈകള്‍ നട്ടു. റവ. രഞ്ജിത്ത് ഉമ്മന്‍ ഉദ്ഘാടനം ചെയ്തു.
പാണ്ടിക്കാട്: വളരാട് ജി.എം.എല്‍ പി സ്‌കൂളില്‍ നടന്ന പരിസ്ഥിതി ദിനാചരണ പരിപാടി എ.എസ്.ഐ ടി.അബ്ദുല്‍ റസാഖ് സ്‌കൂള്‍ അങ്കണത്തില്‍ വൃക്ഷൈത്ത നട്ട് ഉദ്ഘാടനം ചെയ്തു. വാര്‍ഡ് അംഗം ടി.സി ഫിറോസ് ഖാന്‍ അധ്യക്ഷനായി. കോണ്‍സ്റ്റബ്ള്‍ കെ.ടി ഷഫീഖ്, പ്രധാനാധ്യാപിക പി.സുകേശിനി, പി.ടി.എ പ്രസിഡന്റ് സി.കെ മുസ്തഫ, ഇട്ടേപ്പാടന്‍ അബ്ദുല്‍ മജീദ്, കെ.ആര്‍ അനിത, കെ.സി നിര്‍മല, എം.സിന്ധു സംസാരിച്ചു.
പൂക്കോട്ടുംപാടം: ഗവ. ഹയര്‍സെക്കന്‍ഡറി സ്‌കൂളില്‍ പരിസ്ഥിതി ദിനാചരണത്തിന്റെ ഭാഗമായി പോസ്റ്റര്‍ രചന, ക്വിസ്, പരിസ്ഥിതി പ്രതിജ്ഞ തുടങ്ങിയവ നടന്നു.സ്‌കൗട്ട് ആന്‍ഡ് ഗൈഡ്‌സ് ആഭിമുഖ്യത്തില്‍ വൃക്ഷതൈകള്‍ നട്ടു. ഹെഡ്മാസ്റ്റര്‍ ജി.സാബു ഉദ്ഘാടനംചെയ്തു.
ചേലോട് ശാസ്ത്രിയാര്‍ യു.പി സ്‌കൂളില്‍ പരിസ്ഥിതി ദിനം അമരമ്പലം കൃഷി ഓഫീസര്‍ ഉദ്ഘാടനം ചെയ്തു.പി.ടി.എ പ്രസിഡന്റ് അബ്ദുല്‍ സമദ് അധ്യക്ഷനായി. സീനിയര്‍ അസിസ്റ്റന്റ് കെ.ഹരിദാസന്‍ സംസാരിച്ചു. വിവിധ മല്‍സരം സംഘടിപ്പിച്ചു.