തൃശൂര്‍: പടിഞ്ഞാറെകോട്ട എന്‍.എസ്.എസ് ഇംഗ്ലീഷ് മീഡിയം സ്‌കൂളില്‍ ഈ അധ്യയന വര്‍ഷത്തെ പാലിയേറ്റീവ് കെയര്‍ പ്രവര്‍ത്തനങ്ങള്‍ക്ക് തുടക്കം കുറിച്ചു. പ്രിന്‍സിപ്പാള്‍ എ.ശ്രീകുമാര്‍ അധ്യക്ഷനായി.
ചടങ്ങില്‍ ആല്‍ഫയില്‍ നിന്ന് പരിചരണം ലഭിക്കുന്ന കുന്നംകുളം സ്വദേശിനിയായ കവിത പാലിയേറ്റീവ് കെയറിനെ കുറിച്ചും തനിക്കുണ്ടായ മാറ്റങ്ങളെ കുറിച്ചും കുട്ടികളുമായി സംവദിച്ചു.
സ്‌കൂളിലെ പാലിയേറ്റീവ് ക്ലബ്ബിന്റെ പ്രവര്‍ത്തനങ്ങളെ മാനിച്ച് ആല്‍ഫ പാലിയേറ്റീവ് കെയര്‍ നല്‍കിയ മെമന്റോ പ്രവര്‍ത്തകരായ ഗഫൂര്‍.ടി.മുഹമ്മദ് ഹാജി, ട്രീസ എന്നിവര്‍ ചേര്‍ന്ന് പ്രിന്‍സിപ്പാളിന് കൈമാറി. ചടങ്ങില്‍ ആല്‍ഫ ചീഫ് പ്രോഗ്രാം ഓഫിസര്‍ സുരേഷ് ശ്രീധരന്‍ മുഖ്യപ്രഭാഷണം നടത്തി.