തിരൂരങ്ങാടി: ദാറുല്‍ഹുദാ ഇസ്‌ലാമിക് യൂനിവേഴ്‌സിറ്റിയുടെ സെക്കന്‍ഡറി സ്ഥാപനത്തിലേക്കു വിദ്യാര്‍ഥികളെ ചേര്‍ക്കുന്നതിനായി 25 വരെ അപേക്ഷിക്കാം.
സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന്റെ അഞ്ചാം ക്ലാസ് പൊതുപരീക്ഷ പാസായവരും 25നു പതിനൊന്നര വയസു കവിയാത്തവരുമായ ആണ്‍കുട്ടികള്‍ക്ക് ദാറുല്‍ഹുദായിലേക്കും അഫിലിയേറ്റഡ് സ്ഥാപനങ്ങളിലേക്കും, സമസ്തയുടെ ഏഴാം ക്ലാസ് പാസായവരും 25നു പതിമൂന്നര വയസ് കവിയാത്തവരുമായ പെണ്‍കുട്ടികള്‍ക്ക് വാഴ്‌സിറ്റിക്കു കീഴിലുള്ള ഫാത്വിമ സഹ്‌റാ വനിതാ കോളജിലേക്കും, സമസ്തയുടെ മൂന്നാം ക്ലാസ് പാസായവരും ജൂണ്‍ 25ന് ഒന്‍പതു വയസ് കവിയാത്തവരുമായ ആണ്‍കുട്ടികള്‍ക്ക് മമ്പുറം സയ്യിദ് അലവി മൗലദ്ദവീല ഹിഫ്‌ള് കോളജിലേക്കും അപേക്ഷിക്കാം.
ദാറുല്‍ഹുദാ സെക്കന്‍ഡറിയിലേക്ക് ഓണ്‍ലൈനായാണ് അപേക്ഷിക്കേണ്ടത്. ംംം.റവശൗ.ശി എന്ന ദാറുല്‍ഹുദായുടെ ഔദ്യോഗിക വെബ്‌സൈറ്റില്‍ അഡ്മിഷന്‍ ലിങ്കില്‍ ആവശ്യമായ നിര്‍ദേശങ്ങള്‍ വായിച്ചു കൃത്യമായി പൂരിപ്പിക്കണം.
ശേഷം പ്രിന്റ് ചെയ്ത അപേക്ഷാ ഫോം പ്രസ്ഥാന ഭാരവാഹികളുടെ അറ്റസ്റ്റേഷനു ശേഷം അതതു പരീക്ഷാ സെന്ററുകളില്‍ സമര്‍പ്പിക്കേണ്ടതാണ്.
വനിതാ കോളജിലേക്കും ഹിഫ്‌ള് കോളജിലേക്കും ദാറുല്‍ഹുദാ വെബ്‌സൈറ്റില്‍ നിന്ന് ഫോം ഡൗണ്‍ലൗഡ് ചെയ്ത് അപേക്ഷിക്കാം.
അപേക്ഷകരെ സഹായിക്കുന്നതിനായി ദാറുല്‍ഹുദായിലും സഹസ്ഥാപനങ്ങളിലും ഹെല്‍പ് ഡെസ്‌ക്കുകള്‍ പ്രവര്‍ത്തിക്കുന്നുണ്ട്. ഫോണ്‍: 04942463155, 8547290575.