എസ്.കെ.എസ്.എസ്.എഫ് റമദാന്‍ കാംപയിന് തുടക്കം
കോഴിക്കോട്: എസ്.കെ.എസ്.എസ്.എഫ് സംസ്ഥാന വ്യാപകമായി നടത്തുന്ന റമദാന്‍ കാംപയിനു തുടക്കമായി. അരീക്കാട് മദ്‌റസ ഓഡിറ്റോറിയത്തില്‍ പാണക്കാട് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം നിര്‍വഹിച്ചു. സയ്യിദ് മുബശ്ശിര്‍ തങ്ങള്‍ ജമലുല്ലൈലി അധ്യക്ഷനായി.
ഓണംപിള്ളി മുഹമ്മദ് ഫൈസി മുഖ്യപ്രഭാഷണം നടത്തി. എം.സി മായിന്‍ ഹാജി, സത്താര്‍ പന്തലൂര്‍, റിയാസ് ഫൈസി, മൊയ്തീന്‍ ഹാജി, ഡോ. കെ.ടി ജാബിര്‍ ഹുദവി, ആര്‍.വി.എ സലാം, ഒ.പി.എം അശ്‌റഫ്, അസ്‌കര്‍ അരീക്കാട് സംസാരിച്ചു. റശീദ് ഫൈസി വെള്ളായിക്കോട് സ്വാഗതവും ടി.പി സുബൈര്‍ മാസ്റ്റര്‍ നന്ദിയും പറഞ്ഞു.
കാംപയിന്റെ ഭാഗമായി സംസ്ഥാനത്തെ തെരഞ്ഞെടുക്കപ്പെട്ട കേന്ദ്രങ്ങളില്‍ ജൂലൈ രണ്ടിനു ഖുര്‍ആന്‍ ടാലന്റ് ടെസ്റ്റ് നടക്കും.
ഒരു ദിനം ഒരു തിരുവചനം എന്ന ഹദീസ് പഠനം സാമൂഹ്യ മാധ്യമങ്ങള്‍ വഴി നടത്തും. റമദാനിലെ പ്രത്യേക ദിനങ്ങളെക്കുറിച്ചും ആരാധന, ആചാരരീതികളെക്കുറിച്ചും ബോധവല്‍ക്കരണവും ക്ലസ്റ്റര്‍ തലങ്ങളില്‍ തസ്‌കിയത്ത് മീറ്റ്, മേഖലാ തലത്തില്‍ സാമ്പത്തിക സെമിനാര്‍, ജില്ലാതല സംവേദനങ്ങല്‍ എന്നിവയും നടക്കും.