പറ്റ്‌ന: ബിഹാറില്‍ കോപ്പിയടിച്ച് റാങ്കുനേടിയവര്‍ക്കെതിരേ കേസെടുത്തു. പ്ലസ്ടു പരീക്ഷയില്‍ റാങ്ക് നേടിയ മൂന്ന് വിദ്യാര്‍ഥികള്‍ക്കെതിരേയാണ് എഫ്.ഐ.ആര്‍ രജിസ്റ്റര്‍ ചെയ്തത്. ഒന്നാം റാങ്ക് നേടിയ സൗരഭ് ശ്രീസ്ത, ആര്‍ട്‌സ് റാങ്ക് ജേതാവായ റൂബി റായ് തുടങ്ങിയവര്‍ക്കെതിരേയാണ് കേസ്. ബിഹാര്‍ സെക്കന്‍ഡറി എജ്യുക്കേഷന്‍ ബോര്‍ഡിന്റെ നിര്‍ദേശത്തെത്തുടര്‍ന്നാണ് നടപടി. വ്യാപകമായ കോപ്പിയടിയെ തുടര്‍ന്ന് പുനഃപരീക്ഷ നടത്തിയപ്പോള്‍ റാങ്ക് ജേതാവ് റൂബി പരീക്ഷയ്ക്ക് എത്തിയിരുന്നില്ല.  പുനഃപരീക്ഷയില്‍ പങ്കെടുത്ത സയന്‍സ് വിഷയത്തിലെ മൂന്നാം റാങ്കുകാരന്‍ രാഹുല്‍ കുമാര്‍ ഉള്‍പ്പെടെ നിരവധി പേര്‍ പരാജയപ്പെട്ടിരുന്നു.