മണ്ണഞ്ചേരി: കഴിഞ്ഞ ദിവസം മണ്ണഞ്ചേരി പൊലീസ് ആളുമാറി യുവാവിനെ മര്‍ദിച്ച സംഭവത്തില്‍ പ്രതിഷേധം വ്യാപകം. പൊലീസ് അതിക്രമത്തിനിരയായ സാദിഖ് മണ്ണഞ്ചേരിയിലെ വ്യാപാരിയാണ്.
സംഭവത്തില്‍ പ്രതിഷേധിച്ച് വ്യാപാരി വ്യവസായി ഏകോപനസമിതി മണ്ണഞ്ചേരി യൂണിറ്റിന്റെ നേതൃത്വത്തില്‍ പ്രതിഷേധപ്രകടനം നടത്തി. മാരാരിക്കുളം സി.ഐ ഓഫിസിലെത്തി പരാതിയും നല്‍കി. പ്രതിഷേധപ്രകടനത്തിന് യൂണിറ്റ് പ്രസിഡന്റ് പി.എ.മൈതീന്‍കുഞ്ഞുമേത്തര്‍, ജനറല്‍സെക്രട്ടറി എന്‍.എ.അബൂബക്കര്‍ ആശാന്‍,സെക്രട്ടറി ബി.അന്‍സില്‍,ട്രഷര്‍ സാജു പട്ടാറ എന്നിവര്‍ നേതൃത്വം നല്‍കി. മുസ്‌ലിം ലീഗ് പഞ്ചായത്ത് കമ്മറ്റി, കോണ്‍ഗ്രസ് മണ്ഡലംകമ്മറ്റിയും പ്രതിഷേധിച്ചു. സംഭവത്തെക്കുറിച്ച് വിശദമായി അന്വേഷിക്കുമെന്ന് മണ്ണഞ്ചേരി എസ്.ഐ രാജന്‍ബാബു പറഞ്ഞു.