ആലുവ : പെരുമ്പാവൂരില്‍ നിന്നും ചുണങ്ങംവേലി, എടത്തല യതീംഖാന, മലേപ്പള്ളി, നൊച്ചിമ, മെഡിക്കല്‍ കോളജ്, എച്ച്.എം.ടി കവല, കാക്കനാട് വഴി തൃപ്പൂണിത്തുറയ്ക്ക് പുതിയ ബസ് സര്‍വീസ് ആരംഭിച്ചു.
ബസ് സര്‍വീസിന്റെ ഉദ്ഘാടനം അന്‍വര്‍ സാദത്ത് എം.എല്‍.എ എടത്തല യത്തീംഖാനയില്‍ നിര്‍വഹിച്ചു. ചടങ്ങില്‍ പഞ്ചായത്ത് പ്രസിഡന്റ് സാജിത അബ്ബാസ്, വൈസ് പ്രസിഡന്റ് വി.എം അബൂബക്കര്‍, സഹകരണ ബാങ്ക് പ്രസിഡന്റ് എം.കെ അബു, പഞ്ചായത്ത് മെമ്പര്‍മാരായ സി.എം അഷറഫ്, എം.പി കുഞ്ഞുമുഹമ്മദ്, കെ.കെ മുഹമ്മദ്, കെ.കെ മുഹമ്മദ് റഫീഖ്, നൗഷാദ് എടത്തല, നാദിര്‍ഷാ എന്നിവര്‍ പങ്കെടുത്തു.