കുന്നംകുളം: തെക്കെകെട്ടിലെ കോള്‍ പടവില്‍ വടക്കേകാട് കാട്ടകാമ്പാല്‍ പഞ്ചായത്തില്‍പ്പെട്ട 14 ഏക്കറിലെ നെല്‍കൃഷി കഴിഞ്ഞ ദിവസങ്ങളിലയുണ്ടായ മഴയില്‍ വെള്ളം വന്നു മുങ്ങി.
കൊയ്യാന്‍ കഴിയാതെ നശിച്ചതിനാല്‍ കര്‍ഷകര്‍ പ്രയാസത്തിലായി. കടം വാങ്ങിയും ബാങ്കുകളില്‍ നിന്ന് ലോണ്‍ എടുത്തുമാണ് കര്‍ഷകര്‍ പതിനാല് ഏക്കറില്‍ കൃഷിയിറക്കിയത്. നെല്ല് വെള്ളം കയറി നശിച്ചതിനാല്‍ വാങ്ങിയ പണം എങ്ങിനെ നല്‍കുമെന്ന ആശങ്കയിലാണ് കര്‍ഷകര്‍.
കൃഷി തുടങ്ങുന്നതിന്റെ അദ്യ ഘട്ടം മുതല്‍ എല്ലാ സാധനങ്ങളും വാടകക്കെടുത്താണ് കര്‍ഷകര്‍ ജോലി ചെയ്തിരുന്നത്. അധികൃതരുടെ കനിവിനായി കാത്തിരിക്കുകയാണ് ഇവിടുത്തെ കര്‍ഷകര്‍.