കൊപ്പം: മുളയങ്കാവ് മപ്പാട്ടുകര റോഡിന്റെ ഇരുവശങ്ങളിലും മാലിന്യം തള്ളിയതായി പരാതി. ബ്ലോക്ക് മെമ്പര്‍ സുനിതാ രാജന്‍, ഗ്രാമപഞ്ചായത്തംഗം ശ്രീജ ടീച്ചര്‍ എന്നിവരുടെ പരാതിയെ തുടര്‍ന്ന് ആരോഗ്യ വകുപ്പതികൃതര്‍ സംഭവസ്ഥലം സന്ദര്‍ശിച്ചു. പന്ത്രണ്ടോളം ചെറിയ ചാക്കുകളിലായാണ് മാലിന്യം ഉപേക്ഷിച്ചിട്ടുള്ളത്.
കുറ്റക്കാര്‍ക്കെതിരെ ശക്തമായ നടപടി സ്വീകരിക്കുന്നതിന്ന് വേണ്ടി നാട്ടുകാര്‍ സഹകരിക്കണമെന്ന് അതികൃതര്‍ പറഞ്ഞു. ഹെല്‍ത്ത് ഇന്‍സ്‌പെക്ടര്‍ വി.ടി മുഹമ്മദ്, ജൂനിയര്‍ ഹെല്‍ത്ത് ഇന്‍സ്‌പെക്ടര്‍ വി.പി പ്രസാദ്, മുരളി മഠത്തില്‍ എന്നിവര്‍ സംഭവ സ്ഥലം പരിശോധനക്ക് നേതൃത്വം നല്‍കി.