കൊല്ലം: ജില്ലാ ലീഗല്‍ സര്‍വീസസ് അതോറിറ്റി, ജില്ലാ ഭരണകൂടം, കൊല്ലം ബാര്‍ അസോസിയേഷന്‍, ഗവണ്‍മെന്റ് ടൗണ്‍ യു.പി സ്‌കൂള്‍ എന്നിവയുടെ ആഭിമുഖ്യത്തില്‍ ലോക പരിസ്ഥിതിദിനം ആചരിച്ചു.
സിവില്‍ സ്റ്റേഷന്‍ പരിസരത്ത് സംഘടിപ്പിച്ച ചടങ്ങില്‍ ജില്ലാ ലീഗല്‍ സര്‍വീസസ് അതോറിറ്റി ചെയര്‍മാനും ജില്ലാ ജഡ്ജിയുമായ ജോര്‍ജ് മാത്യൂ, എ.ഡി.എം പി.എസ് സ്വര്‍ണ്ണമ്മ, ബാര്‍ അസോസിയേഷന്‍ പ്രസിഡന്റ് അഡ്വ. പി.എസ് ഷാജി എന്നിവര്‍ വൃക്ഷത്തെ നട്ടു. അഡീഷണല്‍ ജില്ലാ ജഡ്ജ് ഹണി എം. വര്‍ഗീസ് പരിസ്ഥിതി സംരക്ഷണ സന്ദേശം നല്‍കി ടൗണ്‍ യു.പി സ്‌കൂളില്‍ നടന്ന ചടങ്ങില്‍ താലൂക്ക് ലീഗല്‍ സര്‍വീസസ് കമ്മിറ്റി ചെയര്‍മാനും ഒന്നാം അഡീഷണല്‍ ജില്ലാ ജഡ്ജിയുമായ ഇ എം മുഹമ്മദ് ഇബ്രാഹിം വിദ്യാര്‍ഥികള്‍ക്ക് പരിസ്ഥിതി സന്ദേശം നല്‍കി. ചീഫ് ജുഡീഷ്യല്‍ മജിസ്‌ട്രേറ്റ് സി കെ ബൈജു, ബാര്‍ അസോസിയേഷന്‍ സെക്രട്ടറി അഡ്വ ആര്‍ മനോജ്കുമാര്‍, ജില്ലാ ലീഗല്‍ സര്‍വീസസ് അതോറിറ്റി സെക്രട്ടറി എസ് രാധാകൃഷ്ണന്‍, പി റ്റി എ പ്രസിഡന്റ് ജെ ബിജു തുടങ്ങിയവര്‍ പങ്കെടുത്തു. തുടര്‍ന്ന് വിദ്യാര്‍ഥികള്‍ക്ക് വൃക്ഷത്തൈകള്‍ വിതരണം ചെയ്തു.
കരുനാഗപ്പള്ളി: താലൂക്ക് മര്‍ച്ചന്റ്‌സ് അസോസിയേഷന്റെ നേതൃത്വത്തില്‍ പരിസ്ഥിതി ദിനം ആചരിച്ചു. ദിനാചരണത്തിന്റെ ഭാഗമായി 1001 വൃക്ഷത്തൈകള്‍ വിതരണം ചെയ്യുകയും ടൗണ്‍ എല്‍. പി.എസില്‍ വൃക്ഷത്തൈകള്‍ നടുകയും ചെയ്തു.
അസോസിയേഷന്‍ പ്രസിഡന്റ് ഇ. അബ്ദുല്‍ റസാഖ് രാജധാനി അധ്യക്ഷനായി. എ. അജിത്കുമാര്‍,പുളിമൂട്ടില്‍ ബാബു, റ്റി. കെ. സദാശിവന്‍, കാട്ടൂര്‍ ബഷീര്‍, അമ്പുവിള ലത്തീഫ്, രഞ്ജുശേഖര്‍, ഹെഡ്മിസ്ട്രസ്സ് ആര്‍. ശോഭ, എസ്. എം. സി. ചെയര്‍മാന്‍ ബി. വിനോദ്,എസ്. നജ്മുദ്ദീന്‍ തുടങ്ങിയവര്‍ സംസാരിച്ചു.
കൊട്ടാരക്കര: കോട്ടാത്തല പണയില്‍ യു.പി സ്‌കൂളിലെ പരിസ്ഥിതി ദിനാഘോഷ പരിപാടികള്‍ തെന്‍മല ഇക്കോ ടൂറിസം പ്രോജക്ട് ഓഫീസര്‍ സുധ ഉദ്ഘാടനം ചെയ്തു. സ്‌കൂള്‍ വികസന സമിതി ചെയര്‍മാന്‍ ഡി. അരവിന്ദാക്ഷന്‍ അധ്യക്ഷനായി. ഹെഡ്മാസ്റ്റര്‍ ബി.എസ്. ഗോപകുമാര്‍, കോട്ടാത്തല ശ്രീകുമാര്‍, അജീഷ് കൃഷ്ണ, ജയശ്രീ ചന്ദ്രസേനന്‍ എന്നിവര്‍ സംസാരിച്ചു. തുടര്‍ന്ന് പണയില്‍ ജങ്ഷനിലെ റോഡരികില്‍ വൃക്ഷത്തൈകള്‍ നട്ടു.