തിരുവനന്തപുരം: ഇടുക്കിയില്‍ വീടിനുമുകളില്‍ മണ്ണിടിഞ്ഞു വീണുമരിച്ച ജോബി ജോണിന്റെ കുടുംബത്തിന് സര്‍ക്കാര്‍ ധനസഹായം നല്‍കും. നഷ്ടപരിഹാരം നല്‍കുന്നതിനുള്ള റിപ്പോര്‍ട്ട് ജില്ലാ അധികൃതര്‍ നല്‍കിയാല്‍ നടപടികള്‍ വേഗത്തിലാക്കുമെന്ന് റവന്യൂമന്ത്രി ഇ. ചന്ദ്രശേഖരന്‍ സുപ്രഭാതത്തോടു പറഞ്ഞു. സ്വാഭാവികമായും ദുരന്തങ്ങളില്‍പ്പെടുന്നവരുടെ കുടുംബങ്ങള്‍ക്ക് നഷ്ടപരിഹാരം നല്‍കാറുണ്ടെന്നും എന്നാല്‍ സര്‍ക്കാര്‍ നടപടികള്‍ പൂര്‍ത്തിയാക്കി മാത്രമേ സഹായം നല്‍കൂവെന്നും മന്ത്രി പറഞ്ഞു.