അലെപ്പോ: സിറിയയിലെ അലെപ്പോയില്‍ ആശുപത്രിക്കു നേരെയുണ്ടായ വ്യോമാക്രമണത്തില്‍ പത്തിലേറെ പേര്‍ കൊല്ലപ്പെട്ടു. വിമതരുടെ കൈയിലുള്ള പ്രദേശമാണ് അലെപ്പോ. ആക്രമണത്തില്‍ ഒട്ടേറെ പേര്‍ക്കു പരുക്കേറ്റതായും റിപോര്‍ട്ടുണ്ട്.
രണ്ടുദിവസമായി ഇവിടെ കനത്ത ആക്രമണം നടക്കുകയാണ്. വിമതരില്‍നിന്നു പ്രദേശം പിടിച്ചെടുക്കാന്‍ സര്‍ക്കാര്‍ സൈന്യം നടത്തുന്ന വ്യോമാക്രമണങ്ങളിലാണ് ഇത്രയുംപേര്‍ കൊല്ലപ്പെട്ടത്. സര്‍ക്കാര്‍ അധീനപ്രദേശങ്ങളില്‍ വിമതരും ഷെല്ലാക്രമണം നടത്തുന്നുണ്ട്.
അലെപ്പോയിലെ ബായാന്‍ ആശുപത്രിയ്ക്കടുത്താണ് ഇന്നലെ വ്യോമാക്രമണമുണ്ടായത്. ഇവിടെനിന്നു തീയും പുകയും ഉയരുന്നതായുള്ള വീഡിയോകളും ചിത്രങ്ങളും പ്രചരിക്കുന്നുമുണ്ട്. സിറിയയിലെ പ്രധാന വാണിജ്യപ്രദേശമാണ് അലെപ്പോ. 2012 മുതല്‍ ഈ പ്രദേശം വിമതരുടെ നിയന്ത്രണത്തിലാണ്.