കല്‍പ്പറ്റ: അസാപ് പരിശീലന കോഴ്‌സ് ആരംഭിക്കുവാന്‍ സര്‍ക്കാര്‍ എയ്ഡഡ് മേഖലയിലുള്ള വൊക്കേഷണല്‍ ഹയര്‍ സെക്കന്‍ഡറി സ്‌ക്കൂളുകളില്‍ നിന്നും അപേക്ഷ ക്ഷണിച്ചു.
സംസ്ഥാനത്തെ ഹയര്‍ സെക്കന്‍ഡറി, വൊക്കേഷണല്‍ ഹയര്‍ സെക്കന്‍ഡറി, ആര്‍ട്ട്‌സ് ആന്റ് സയന്‍സ് കോളജുകള്‍ എന്നിവിടങ്ങളില്‍ പഠിക്കുന്ന വിദ്യാര്‍ഥികള്‍ക്ക് തൊഴില്‍ നൈപുണ്യം നല്‍കുന്ന, ഉന്നത-പൊതു വിദ്യാഭ്യാസ വകുപ്പുകളുടെ സംയുക്ത സംരംഭമാണ് അസാപ്പ്.
വിവിധ തൊഴില്‍ മേഖലകളിലുള്ള വ്യവസായ സംബന്ധമായ സ്‌കില്‍ കോഴ്‌സുകളാണ് അസാപ് നടപ്പാക്കുന്നത്. വൊക്കേഷണല്‍ ഹയര്‍ സെക്കന്‍ഡറി വിദ്യാര്‍ഥികള്‍ക്ക് അസാപ്പിന്റെ കമ്മ്യൂണിക്കേറ്റീവ് ഇംഗ്ലീഷ്, ഇന്‍ഫര്‍മേഷന്‍ ടെക്‌നോളജി എന്നിവയടങ്ങുന്ന ഫൗണ്ടഷേന്‍ മൊഡ്യൂള്‍ പരിശീലനമാണ് ലഭിക്കുക.
താല്‍പര്യമുള്ള സ്‌കൂളുകള്‍ക്ക് അസാപ് പരിശീലന സ്ഥാപനമാകാനായി വേേു:ംംം.മമെുസലൃമഹമ.ഴീ്.ശി എന്ന വെബ്‌സൈറ്റ് സന്ദര്‍ശിച്ച് ഈമാസം 15നകം ഓണ്‍ലൈന്‍ ആയി അപേക്ഷ നല്‍കാം. അപേക്ഷിക്കുന്നതിനുള്ള യോഗ്യതകള്‍ വെബ്‌സൈറ്റില്‍ നല്‍കിയിട്ടുണ്ട്. പ്രസ്തുത വെബ്‌സൈറ്റില്‍ നിര്‍ദിഷ്ട മാതൃകയിലുള്ള അണ്ടര്‍ടേക്കിംഗ് 200 രൂപ സ്റ്റാമ്പ് പേപ്പറില്‍ തയ്യാറാക്കി ഒപ്പ് രേഖപ്പെടുത്തി സ്‌കാന്‍ ചെയ്ത് അപേക്ഷാ ഫോറത്തില്‍ ഇതിനായുള്ള സ്ഥലത്ത് അപ്‌ലോഡ് ചെയ്യേണ്ടതാണ്.
അപേക്ഷയുടെ ഹാര്‍ഡ് കോപ്പി എഗ്രിമെന്റിനോടൊപ്പം താഴെ കാണിച്ചിരിക്കുന്ന വിലാസത്തില്‍ അയക്കേണ്ടതാണ്. ചീഫ് എക്‌സിക്യൂട്ടീവ് ഓഫീസര്‍ അഡീഷണല്‍ സ്‌കില്‍ അക്വിസിഷന്‍ പ്രോഗ്രാം(അസാപ്പ്) മൂന്നാംനില, ട്രാന്‍സ് ടവര്‍ വഴുതയ്ക്കാട്, തിരുവനന്തപുരം-695014 കൂടുതല്‍ വിവരങ്ങള്‍ക്ക് ഈ നമ്പരുമായി ബന്ധപ്പെടുക: 9446904245.