മുക്കം: ജില്ലാ എസ്.കെ.എസ്.എസ്.എഫ് റമദാന്‍ കാംപയിന്റെയും ഓമശ്ശേരി മേഖല സംഘടിപ്പിച്ച മൂന്നാമത് പ്രഭാഷണത്തിന്റെയും ഉദ്ഘാടനം സമസ്ത ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ നിര്‍വഹിച്ചു. സ്വാഗതസംഘം ചെയര്‍മാന്‍ നാസര്‍ ഫൈസി കൂടത്തായി അധ്യക്ഷനായി. അബൂബക്കര്‍ ഫൈസി മലയമ്മ പ്രമേയ പ്രഭാഷണം നിര്‍വഹിച്ചു.
മഅ്മൂന്‍ ഹുദവി വണ്ടൂര്‍ പ്രഭാഷണം നടത്തി. കെ.വി മുഹമ്മദ് മുസ്‌ലിയാര്‍, ഒ.പി അഷ്‌റഫ്, വി.എം ഉമ്മര്‍ മാസ്റ്റര്‍, കെ.വി നൂറുദ്ദീന്‍ ഫൈസി, ഇ.കെ ഹുസൈന്‍ ഹാജി, ഉമര്‍ ബാഖവി, അബു മൗലവി, കെ.കെ മൊയ്തീന്‍ കുട്ടി, എ.കെ അബ്ദുല്ല, യു.കെ ഹുസൈന്‍, എ.കെ ഖാദിരി ഹാജി, ടി.പി ബഷീര്‍ ഫൈസി, എം.പി ഇബ്‌റാഹിംകുട്ടി ഹാജി, ഉമ്മര്‍ ഫൈസി മങ്ങാട്, ഗഫൂര്‍ മുണ്ടുപാറ, അംജദ് ഖാന്‍ റഷീദി സംസാരിച്ചു. പി.ടി മുഹമ്മദ് കാതിയോട് സ്വാഗതവും സാദിഖ് സ്വാലിഹി മേപ്പള്ളി നന്ദിയും പറഞ്ഞു.
ഇന്ന് നടക്കുന്ന പ്രഭാഷണ പരിപാടി പാണക്കാട് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്യും. എന്‍. അബ്ദുല്ല മുസ്‌ലിയാര്‍ അധ്യക്ഷനാകും. ജലീല്‍ റഹ്മാനി വാണിയന്നൂര്‍ പ്രഭാഷണം നടത്തും.