ഗൂഡല്ലൂര്‍: പട്ടിക്കാട് ജാമിഅ നൂരിയ അറബിക് കോളജ് 56-ാം വാര്‍ഷിക 54-ാം സനദ് ദാന സമ്മേളനത്തിന്റെ ഭാഗമായി നീലഗിരി ജില്ലാ ഒസ്‌ഫോജന സംഘടിപ്പിക്കുന്ന വാഹന പ്രചാരണ ജാഥ ഇന്നും നാളെയും നടക്കും.
ഇന്ന് രാവിലെ ഒന്‍പത് മണിക്ക് ജി.ടി.എം.ഒ സയ്യിദ് മുഹമ്മദലി ശിഹാബ് തങ്ങള്‍ അറബിക് കോളജില്‍ നിന്ന് ജാഥ ആരംഭിക്കും. ഉദ്ഘാടന സംഗമത്തില്‍ സമസ്ത നീലഗിരി ജില്ലാ പ്രസിഡന്റ് ഇമ്പിച്ചിക്കോയ തങ്ങള്‍ അധ്യക്ഷനാകും. ജില്ലാ സെക്രട്ടറി പി.കെ.എം ബാഖവി ഉദ്ഘാടനം ചെയ്യും. എസ്.എം.എഫ് ജില്ലാ പ്രസിഡന്റ് കെ.പി മുഹമ്മദ് ഹാജി പതാക കൈമാറും. എ.എം ശരീഫ് ദാരിമി, എം.സി സൈദലവി മുസ്‌ലിയാര്‍, സൈദലവി റഹ്മാനി, കെ.പി അലി മുസ്‌ലിയാര്‍, അസീസ് മുസ്‌ലിയാര്‍ വണ്ണാത്തിവയല്‍ സംസാരിക്കും. ഗൂഡല്ലൂരില്‍ നിന്നും ആരംഭിക്കുന്ന പ്രചാരണ ജാഥ വൈകുന്നേരം ആറിന് എല്ലമലയില്‍ സമാപിക്കും. നാളെ നാടുകാണിയില്‍ ആരംഭിക്കുന്ന ജാഥ വൈകുന്നേരം ആറിന് വിലങ്ങൂരില്‍ സമാപിക്കും.