പെരിന്തല്‍മണ്ണ: എം.ഇ.എസ് മെഡിക്കല്‍ കോളജില്‍ അഡ്മിറ്റിലുള്ള രോഗികളെ പരിചരിക്കുന്നവര്‍ക്ക് നോമ്പുതുറക്കും അത്താഴത്തിനുമുള്ള വിഭവങ്ങള്‍ വിതരണം തുടങ്ങി. മങ്കട മണ്ഡലം മുസ്‌ലിം ലീഗ് കമ്മിറ്റിയുടെ നേതൃത്വത്തില്‍ ഖത്തര്‍ മങ്കട മണ്ഡലം കെ.എം.സി.സി കമ്മിറ്റിയുടെ സഹായത്തോടെ ശിഹാബ് തങ്ങള്‍ ചാരിറ്റി സെല്ലാണ് ഈ വര്‍ഷം ഈ ജീവകാരുണ്യ പ്രവര്‍ത്തനം ഏറ്റെടുത്ത് നടത്തുന്നത്. മെഡിക്കല്‍ കോളജ് സ്ഥാപിക്കപ്പെട്ടതിന് ശേഷം നാലാമത്തെ വര്‍ഷമാണ് ഈ പ്രവര്‍ത്തനം മുടങ്ങാതെ തുടരുന്നത്. മുന്‍ വര്‍ഷങ്ങളിലും വിവിധ രാജ്യങ്ങളിലെ കെ.എം.സി.സി മങ്കട മണ്ഡലം കമ്മറ്റികളുടെ സഹായത്തോടെ മങ്കട മണ്ഡലം സി.എച്ച് സെന്റര്‍ റമദാനിലെ 30 ദിവസവും നോമ്പുതുറ വിഭവവും അത്താഴയും നല്‍കിയിരുന്നു. ഈ വര്‍ഷത്തെ പ്രവര്‍ത്തനങ്ങള്‍ക്ക് പാണക്കാട് സയ്യിദ് സാദിഖലി ശിഹാബ് തങ്ങള്‍ തുടക്കം കുറിച്ചു. മുസ്‌ലിം ലീഗ് സംസ്ഥാന ജനറല്‍ സെക്രട്ടറി കെ.പി.എ മജീദ്, കൊളത്തൂര്‍ ടി.മുഹമ്മദ് മൗലവി, കെ.കെ ആബിദ് ഹുസൈന്‍ തങ്ങള്‍ എം.എല്‍.എ, ഉമ്മര്‍ അറക്കല്‍, എം.അബ്ദുള്ള മാസ്റ്റര്‍, പാതാരി അമീര്‍, കളത്തില്‍ ഹംസ ഹാജി, കുന്നത്ത് മുഹമ്മദ്, പി.പി സൈതലവി, തുടങ്ങിയവര്‍ ചടങ്ങില്‍ സംബന്ധിച്ചു.
ചോലയില്‍ ശിഹാബ്, പാതാരി കബീര്‍, എം.ടി അബ്ബാസ്, മൂന്നാക്കല്‍ ബാബു, മുഹമ്മദ് പുതിയവീട്ടില്‍, പാതാരി നൗഫല്‍, കെ.കെ ഷഫീഖ്, തവളേങ്ങല്‍ നൗഫല്‍, തുടങ്ങിയവരാണ് നേതൃത്വം നല്‍കുന്നത്.