• 'സമകാലിക സക്കാത്ത് പ്രശ്നങ്ങള്‍' ചര്‍ച്ചയാകും

മനാമ: ഇസ്ലാമിക ലോകത്ത് നിന്ന് പ്രമുഖര്‍ പങ്കെടുക്കുന്ന 27-ാമത് സക്കാത്ത് ഫോറത്തിന് ബഹ്റൈന്‍ വേദിയാവുന്നു..
ബഹ്റൈനിലെ മിനിസ്റ്റര്‍ ഓഫ് ജസ്റ്റിസ്& ഇസ്ലാമിക് അഫയേഴ്സ് ഷെയ്ഖ് ഖാലിദ് ബിന്‍ അലി ബിന്‍ അബ്ദുള്ള അല്‍ ഖലീഫ രക്ഷാധികാരിയായി 2020 ജനുവരി 8 മുതല്‍ 10 വരെയാണ് ഫോറം .
ഇത് മൂ​ന്നാം ത​വ​ണ​യാ​ണ് ബ​ഹ്റൈ​ന്‍ ഈ ഫോറത്തിന് വേ​ദി​യാ​വു​ന്ന​ത്. നേരത്തെ 1994ലും 2005ലും ബഹ്റൈനില്‍ സക്കാത്ത് ഫോറം നടന്നിരുന്നു.
ഇത്തവണ 'സമകാലിക സക്കാത്ത് പ്രശ്നങ്ങള്‍' ഫോറം ചര്‍ച്ച ചെയ്യുമെന്നും മന്ത്രി ബൈ​ത്തു​സ്സ​കാ​ത് ഡ​യ​റ​ക്ട​ര്‍ മു​ഹ​മ്മ​ദ് ഫ​ലാ​ഹ് അ​ല്‍ ഉ​തൈ​ബി അറിയിച്ചു.
സക്കാത്തുമായി ബന്ധപ്പെട്ട് ശാസ്ത്രീയവും ശരിയത്തിലൂന്നിയതുമായ ഗവേഷണങ്ങള്‍ വികസിപ്പിക്കുക, സക്കാത്തിനെ കുറിച്ചുള്ള കൂടുതല്‍ പുസ്തകങ്ങള്‍ ഉള്‍പ്പെടുത്തി ഇസ്ലാമിക ലൈബ്രറികള്‍ ഉണ്ടാക്കുക, സ്ഥാപനങ്ങളുടെ സക്കാത്ത് ഫണ്ടുമായുള്ള സഹകരണത്തിന് കൂടുതല്‍ വഴികള്‍ തുറക്കുക എന്നിവയും ഫോറത്തിന്‍റെ ലക്ഷ്യമാണെന്ന് അദ്ധേഹം പറഞ്ഞു.
ജി.​സി.​സി രാ​ജ്യ​ങ്ങ​ളി​ലെ സ​കാ​ത്​ സം​വി​ധാ​ന​ങ്ങ​ളു​മാ​യി സ​ഹ​ക​രി​ച്ചാ​ണ് ബ​ഹ്റൈ​ന്‍ സ​കാ​ത് ഫ​ണ്ട് പ്ര​വ​ര്‍ത്തി​ക്കു​ന്ന​ത്.
1988 മു​ത​ലാ​ണ് കു​വൈ​ത്തി​ലെ ബൈ​ത്തു​സ്സ​കാ​ത്തി​ന് കീ​ഴി​ല്‍ ഫോ​റം സം​ഘ​ടി​പ്പി​ക്കാ​ന്‍ തു​ട​ങ്ങി​യ​തെ​ന്നും ബൈ​ത്തു​സ്സ​കാ​ത് ഡ​യ​റ​ക്ട​ര്‍ മു​ഹ​മ്മ​ദ് ഫ​ലാ​ഹ് അ​ല്‍ ഉ​തൈ​ബി വ്യ​ക്ത​മാ​ക്കി.