പള്ളിക്കല്‍: പഞ്ചായത്തില്‍ മഴക്കാല ശുചീകരണ പ്രവര്‍ത്തനങ്ങള്‍ ബോധവത്കരണ ക്ലാസില്‍ മാത്രമായി ഒതുക്കുന്നു. പഞ്ചായത്തിലെ ചില വാര്‍ഡുകളില്‍ ശുചീകരണ പ്രവര്‍ത്തനങ്ങല്‍ നടന്നിട്ടുണ്ടെങ്കിലും മറ്റു ചില വാര്‍ഡുകളില്‍ പരിസ്ഥിതി ദിനത്തില്‍ പേരിന് മാത്രം ശുചീകരണം നടത്തി യെന്നല്ലാതെ മിക്ക വാര്‍ഡുകളിലും ശുചീകരണ പ്രവര്‍ത്തനങ്ങള്‍ കാര്യമായ രീതിയില്‍ നടന്നിട്ടില്ല.
പഞ്ചായത്ത് ഓഫിസിന്റെ മൂക്കിന് താഴെയുള്ള പള്ളിക്കല്‍ അങ്ങാടിയും പരിസരവും ചീഞ്ഞു നാറുകയാണ്. മഴക്കാല ശുചീകരണ രോഗ പ്രതിരോധപ്രവര്‍ത്തനത്തിന്റെ ഭാഗമായി പഞ്ചായത്തിന്റെ വിവിധ ഭാഗങ്ങളില്‍ പരിശോധന നടത്തിയ ഹെല്‍ത്ത് ഉദ്യോഗസ്ഥര്‍ പഞ്ചായത്ത് ഓഫിസില്‍ ബോധവത്കരണ ക്ലാസ് നടത്തിയിരുന്നതാണ്. മലിനമായി ക്കിടക്കുന്ന പരിസരങ്ങള്‍ ശുചീകരിക്കണമെന്ന് പഞ്ചായത്ത് അംഗങ്ങള്‍ക്ക് നിര്‍ദ്ദേശം നല്‍കിയിട്ടുണ്ടെന്ന് ഹെല്‍ത്ത് ഇന്‍സ്‌പെക്ടര്‍ ടി ശ്രീജ നോബിള്‍ പറഞ്ഞു.