തിരുവനന്തപുരം: ഹരിപ്പാട്, വയനാട് മെഡിക്കല്‍ കോളജുകളുടെ കണ്‍സള്‍ട്ടന്‍സി കരാര്‍ യുഡിഎഫ് സര്‍ക്കാര്‍ നല്‍കിയതിനെക്കുറിച്ച് പൊതുമരാമത്ത് വകുപ്പ് മന്ത്രി ജി.സുധാകരന്‍ അന്വേഷണത്തിന് ഉത്തരവിട്ടു. പൊതുമരാമത്ത് വിജിലന്‍സിനോടാണ് അന്വേഷിച്ച് വൈകിട്ട് നാലിനകം റിപ്പോര്‍ട്ട് സമര്‍പ്പിക്കാന്‍ മന്ത്രി നിര്‍ദ്ദേശിച്ചിരിക്കുന്നത്.

യു.ഡി.എഫിന്റെ കാലത്ത് നല്‍കിയ കരാറിനെക്കുറിച്ചാണ് പൊതുമരാമത്ത് വകുപ്പ് വിജിലന്‍സ് വിഭാഗം അന്വേഷിക്കുക. കരാര്‍ നല്‍കുക വഴി സര്‍ക്കാരിന് കോടികളുടെ നഷ്ടമുണ്ടായെന്ന പരാതിയുടെ അടിസ്ഥാനത്തിലാണ് നടപടി.

വ്യവസ്ഥകള്‍ ലംഘിച്ച് ആര്‍ച്ചീവ് മാട്രികിസ് എന്ന കമ്പനിയ്ക്ക് രണ്ട് മെഡിക്കല്‍ കോളെജുകളുടെ കണ്‍സള്‍ട്ടന്‍സി കരാര്‍ നല്‍കിയതില്‍ ക്രമക്കേടുണ്ടെന്നാണ് പൊതുമരാമത്ത് വകുപ്പ് മന്ത്രിയ്ക്ക് ലഭിച്ച പരാതി. ഇതുവഴി സര്‍ക്കാരിന് ഏഴ് കോടി നഷ്ടം സംഭവിച്ചുവെന്നാണ് ആരോപണം.