ശാസ്താംകോട്ട: കുമ്പളത്ത് ശങ്കുപിള്ള മെമ്മോറിയല്‍ ദേവസ്വം ബോര്‍ഡ് കോളജിന് സമീപം കായല്‍ കുന്നിന്‍ ചരുവില്‍ തീ പടര്‍ന്ന് പിടിച്ചു.ഇന്നലെ ഉച്ചക്ക് 12.30 നായിരുന്നു സംഭവം. ശുദ്ധജല തടാകക്കരയില്‍ കുന്നിന്‍ മുകളില്‍ വളര്‍ന്ന് കിടക്കുന്ന ഉണങ്ങിയ പുല്ലിനാണ് തീ പിടിച്ചത്. കോളജിന് സമീപമുള്ള മുളംകാട്ടിലേക്കും തീ പടര്‍ന്നു. ശാസ്താംകോട്ട ഫയര്‍ യൂനിറ്റ് എത്തി തീ നിയന്ത്രണ വിധേയമാക്കി.