തിരുവനന്തപുരം: പതിനാലാം നിയമസഭയുടെ രണ്ടാം സമ്മേളനം  24മുതല്‍ ജൂലൈ 19വരെ നടക്കും.
   ജൂലൈ എട്ടിനാണ് ബജറ്റ് അവതരണം. കേരള നിയമസഭയുടെ നേതൃത്വത്തില്‍ നടക്കുന്ന പാര്‍ലമെന്ററി പ്രാക്ടീസ് ആന്‍ഡ് പ്രൊസീജിയര്‍ സര്‍ട്ടിഫിക്കറ്റ് കോഴ്‌സിന്റെ ഫലപ്രഖ്യാപനം നടത്താന്‍ വിളിച്ചുചേര്‍ത്ത വാര്‍ത്താസമ്മേളനത്തില്‍ സ്പീക്കര്‍ പി.ശ്രീരാമകൃഷ്ണനാണ് ഇക്കാര്യം വ്യക്തമാക്കിയത്. കഴിഞ്ഞ വര്‍ഷത്തെ ബാച്ചില്‍ പരീക്ഷ എഴുതിയ 78പേരില്‍ 70പേര്‍ വിജയിച്ചു. 400ല്‍ 324മാര്‍ക്ക് നേടിയ ആലപ്പുഴ വെള്ളക്കിണര്‍ സ്വദേശി അജി എസ്. നായര്‍ക്കാണ് ഒന്നാം റാങ്ക്. 319 മാര്‍ക്ക് നേടി തിരുവനന്തപുരം മരിയാപുരം സ്വദേശി സജിത് സി.സി രണ്ടാം റാങ്കും 311 മാര്‍ക്ക് നേടി കൊച്ചി എടപ്പള്ളി സ്വദേശി നസീര്‍ വി.എ മൂന്നാം റാങ്കും കരസ്ഥമാക്കി. അടുത്ത ബാച്ചിലേക്കുള്ള പ്രവേശനം ജൂലൈ ഒന്നിന് ആരംഭിക്കുമെന്നും സ്പീക്കര്‍ അറിയിച്ചു.