തളിപ്പറമ്പ്: മദ്യ ലഹരിയില്‍ മധ്യവയസ്‌കനെ തലക്കടിച്ചു കൊലപ്പെടുത്താന്‍ ശ്രമിച്ചയാളെ റിമാന്‍ഡ്് ചെയ്തു.
പരുക്കേറ്റ് ഗുരുതരാവസ്ഥയില്‍ പരിയാരം മെഡിക്കല്‍ കോളജ് ആശുപത്രിയില്‍ കഴിയുന്ന രഞ്ജിത് ദാസ് (50)ന്റെ നില ഗുരുതരമായി തുടരുന്നു. കേസില്‍ അറസ്റ്റിലായ കൂടെ താമസിക്കുന്ന നാട്ടുകാരനും ബന്ധുവുമായ ദീപാന്‍ഗൂര്‍(22)നെ കോടതിയില്‍ ഹാജരാക്കി റിമാന്‍ഡ് ചെയ്തു. ഇരുവരും പശ്ചിമബംഗാള്‍ കൊച്ചുഭീഹാര്‍ സ്വദേശികളാണ്. തിങ്കളാഴ്ച്ച രാത്രി പത്തുമണിയോടെ ബക്കളം കടമ്പേരി റോഡിലെ വാടക കോര്‍ട്ടേഴ്‌സില്‍ വച്ചാണ് അക്രമം നടന്നത്. വായ്പ നല്‍കിയ പണവുമായി ബന്ധപ്പെട്ട വാക്ക് തര്‍ക്കം അക്രമത്തില്‍ കലാശിക്കുകയായിരുന്നു. രഞ്ജിത് ദാസിനെ വിവരമറിഞ്ഞെത്തിയ തളിപ്പറമ്പ് പൊലിസാണ് ആംബുലന്‍സില്‍ പരിയാരം മെഡിക്കല്‍ കോളജില്‍ എത്തിക്കുകയായിരുന്നു.