തലശ്ശേരി: ശബരിമലയില്‍ യുവതീ പ്രവേശനത്തില്‍ പ്രതിഷേധിച്ച് നടന്ന പ്രകടനത്തിനിടെ സി.പി.ഐ ഓഫിസിന് നേരെ അക്രമണം.
ഇന്നലെ വൈകിട്ട് ശബരിമല കര്‍മ്മ സമിതിയുടെ നേതൃത്വത്തില്‍ നടത്തിയ പ്രകടനത്തിനിടെയാണ് തലശ്ശേരി പുതിയ സ്റ്റാന്‍ഡിലുള്ള സി.പി.ഐ ഓഫിസിനു നേരെ ആക്രമണം ഉണ്ടായത്. രോക്ഷാകുലരായ പ്രതിഷേധതക്കാര്‍ ഓഫിസിനു നേരെ കല്ലെറിയുകയായിരുന്നു.
ഒരാള്‍ക്ക് പരുക്കേറ്റു. സംഭവ സമയം സി.പി.ഐ നേതാക്കള്‍ ഓഫിസിലുണ്ടായിരുന്നു. പോസ്റ്ററുകളും വനിതാ മതിലിന്റെ ഭാഗമായി നിര്‍മിച്ച ശില്‍പങ്ങളും ചിത്രങ്ങളും പ്രതിഷേധക്കാര്‍ തകര്‍ത്തു. സ്ഥലത്ത് പൊലിസ് ക്യാംപ് ചെയ്യുന്നുണ്ട്.