ന്യൂഡല്‍ഹി: കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയെ രൂക്ഷമായി വിമര്‍ശിച്ച് വീണ്ടും ജയ്റ്റ്‌ലി. അടിയന്തരാവസ്ഥ പ്രഖ്യാപിച്ച സ്വേഛാധിപതിയുടെ പേരക്കുട്ടി തനിനിറം കാണിക്കുകയാണെന്ന് അദ്ദേഹം ആരോപിച്ചു. കഴിഞ്ഞ ദിവസം പുറത്തു വന്ന മോദിയുടെ അഭിമുഖത്തിനെതിരായ രാഹുല്‍ ഗാന്ധിയുടെ പരാമര്‍ശത്തിലാണ് വിമര്‍ശനം. ട്വിറ്റര്‍ വഴിയാണ് ജയ്റ്റ്‌ലിയുടെ ആക്രമണം. അഭിമുഖം നടത്തിയ മാധ്യമപ്രവര്‍ത്തകയേയും അദ്ദേഹം വിമര്‍ശിച്ചു. ഇത്തരം വിമര്‍ശനങ്ങളില്‍ കപട നവീകരണവാദികള്‍ എന്തിനാണ് മൗനം പാലിക്കുന്നതെന്നാണ് അദ്ദേഹത്തിന്റെ ചോദ്യം.

നരേന്ദ്ര മോദിക്കു മുന്നില്‍ വളഞ്ഞിരിക്കുകയായിരുന്നു മാധ്യമ പ്രവര്‍ത്തക എന്ന രീതിയിലായിരുന്നു രാഹുലിന്റെ പരാമര്‍ശം. ഇതിനെതിരെ അഭിമുഖം നടത്തിയ മാധ്യമപ്രവര്‍ത്തക എ.എന്‍.ഐ എഡിറ്റര്‍ സ്മിതപ്രകാശും പ്രതികരിച്ചിരുന്നു.