തിരുവനന്തപുരം: ലോക്ബന്ധു നാരായണ്‍ജി ഫൗണ്ടേഷന്റെ മാധ്യമ പുരസ്‌കാരത്തിന് സുപ്രഭാതം മലപ്പുറം ബ്യൂറോ ചീഫ് യു.എം മുഖ്താര്‍ അര്‍ഹനായി. ദേശീയ പ്രവാസി ദിനമായ നാളെ വൈകിട്ട് അഞ്ചിന് തിരുവനന്തപുരം തൈക്കാട് ഭാരത് ഭവനില്‍ മന്ത്രി കടകംപള്ളി സുരേന്ദ്രന്‍ അവാര്‍ഡ് സമ്മാനിക്കുമെന്ന് ഫൗണ്ടേഷന്‍ ചെയര്‍മാന്‍ മുഹമ്മദ് ആസിഫും ചീഫ് കോഓഡിനേറ്റര്‍ പൂവച്ചല്‍ സുധീറും വാര്‍ത്താസമ്മേളനത്തില്‍ അറിയിച്ചു. മാധ്യമ രംഗത്തെ 15 പേരും പ്രവാസി രംഗത്തെ മൂന്നുപേരും ഉള്‍പ്പെടെ 18 പേര്‍ക്കാണ് അവാര്‍ഡ് നല്‍കുന്നത്.