ബാങ്കോക്ക്: സിംഹാസനത്തില്‍ എഴുപതാണ്ട് തികച്ച സന്തോഷത്തിലാണ് തായ്‌ലന്‍ഡ് രാജാവ് ഭുമിപോല്‍ അതുല്യതജ്. ഇന്നലെയാണ് അദ്ദേഹം അധികാരത്തില്‍ എഴുപതു വര്‍ഷം തികച്ചതെങ്കിലും വാര്‍ധക്യസഹജമായ അസുഖങ്ങളാല്‍ വളരെ കാലമായി ആശുപത്രിയിലാണ്. 88 വയസുണ്ട്. എഴുപതാം ഭരണവാര്‍ഷികത്തിന്റെ ഭാഗമായി 770 ബുദ്ധ സന്യാസിമാര്‍ കൊട്ടാരത്തിലെത്തി പ്രത്യേക മതചടങ്ങുകള്‍ നടത്തിയിരുന്നു. 1946ലാണ് ഇദ്ദേഹം രാജ്യത്തിന്റെ  അധികാരം ഏറ്റെടുത്തത്. മൂത്ത സഹോദരന്‍ കിങ് അനന്ത വെടിയേറ്റു മരിച്ചതിനെ തുടര്‍ന്നായിരുന്നു ഇത്.