റിയാദ്: അമേരിക്ക ആക്രമണത്തിലൂടെ കൊലപ്പെടുത്തിയ ഇറാൻ ജനറൽ ഖാസിം സുലൈമാനി വിവിധ ആക്രമണങ്ങളുടെ സൂത്രധാണെന്ന് അമേരിക്ക. യു എസിലെ മുൻ സഊദി അംബാസിഡാർ വധക്കേസിലും സഊദിയിൽ വിവിധ ആക്രമണങ്ങൾ നടത്തുന്നതിലും പ്രധാന പങ്കു വഹിച്ചയാളാണ് ഖാസിം സുലൈമാനിയെന്നു യു.എസ് വൈസ് പ്രസിഡന്റ് മൈക് പെൻസ് പറഞ്ഞു. വധശ്രമ പദ്ധതി അമേരിക്കൻ സുരക്ഷാ വകുപ്പുകൾ പരാജയപ്പെടുത്തുകയായിരുന്നുവെന്നും അദ്ദേഹം കൂട്ടിച്ചേർത്തു. സഊദി മാധ്യമങ്ങളാണ് ഇക്കാര്യം റിപ്പോർട്ട് ചെയ്‌തത്‌. നേരത്തെ, ന്യൂഡൽഹി വരെ ആക്രമിക്കാൻ ഖാസിം സുലൈമാനി പദ്ധതിയിട്ടിരുന്നുവെന്ന് അമേരിക്ക ആരോപിച്ചിരുന്നു.

[caption id="attachment_805713" align="aligncenter" width="630"] നിലവിലെ വിദേശകാര്യ സഹമന്ത്രി ആദിൽ അൽജുബൈർ[/caption]

     അമേരിക്കയിലെ മുൻ സഊദി അംബാസഡറും നിലവിലെ വിദേശകാര്യ സഹമന്ത്രിയുമായ ആദിൽ അൽജുബൈറിനെ 2011 ൽ വാഷിങ്‌ടണിൽ വധിക്കുന്നതിന് പദ്ധതി തയാറാക്കിയത് അമേരിക്കൻ വ്യോമാക്രമണത്തിൽ കൊല്ലപ്പെട്ട ജനറൽ ഖാസിം സുലൈമാനി ആയിരുന്നുവെന്നാണ് അമേരിക്കയുടെ വെളിപ്പെടുത്തൽ. എന്നാൽ, വധശ്രമ പദ്ധതി അമേരിക്കൻ സുരക്ഷാ വകുപ്പുകൾ പരാജയപ്പെടുത്തുകയായിരുന്നു. കൂടാതെ, സഊദിയിൽ സിവിലിയൻ എയർപോർട്ടുകൾക്കു നേരെ നടത്തിയ ആക്രമണങ്ങളിലും ഖാസിം സുലൈമാനിക്ക് പങ്കുണ്ട്. അമേരിക്കയിൽ ഭീകരാക്രമണങ്ങൾ നടത്തുന്നതിന് മേൽനോട്ടം വഹിച്ച ഖാസിം സുലൈമാനി ആക്രമണങ്ങൾക്ക് ആവശ്യമായ അത്യാധുനിക ഷെല്ലുകളും ആയുധങ്ങളും ഭീകരർക്ക് എത്തിച്ചുനൽകി. അമേരിക്കക്കും സഖ്യസേനക്കുമെതിരെ ആക്രമണങ്ങൾ നടത്തുന്നതിന് പരിശീലനങ്ങളും നിർദേശങ്ങളും നൽകി. 603 അമേരിക്കൻ സൈനികരുടെ മരണത്തിലും ആയിരണക്കിന് സൈനികർക്ക് പരിക്കേറ്റതിലും ഖാസിം സുലൈമാനിക്ക് നേരിട്ട് ഉത്തരവാദിത്തമുണ്ടെന്നും അമേരിക്ക വ്യക്തമാക്കിയതായി സഊദി മാധ്യമങ്ങൾ റിപ്പോർട്ട് ചെയ്യുന്നു.

      യെമനിൽ ഹൂത്തികളെ മിസൈൽ ആക്രമണങ്ങൾക്ക് പ്രാപ്തനാക്കിയത് ഖാസിം സുലൈമാനിയുടെ നേതൃത്വത്തിലുള്ള അൽഖുദ്‌സ് ഫോഴ്‌സ് ആണ്. 2017 ൽ നടന്ന കർബലയിലെ റീജനൽ കോ-ഓർഡിനേഷൻ സെന്ററിനു നേരെയുണ്ടായ ആക്രമണം, ഇവിടെ ബന്ദികളാക്കിയ അഞ്ചു പേരെ കൊലപ്പെടുത്തൽ, ലബനോനിലെ ഹിസ്ബുള്ള, ഇറാഖിലെ കതായിബ് അൽഹിസ്ബുല്ല, അഫ്‌ഗാനിലെ താലിബാൻ തുടങ്ങി ഭീകര സംഘടനകൾക്ക് മിസൈലുകളും നവീന ഉപകരണങ്ങളും എത്തിച്ച് നൽകൽ,അഫ്ഗാനിസ്ഥാനിൽ താലിബാന് ഇറാൻ റെവലൂഷനറി ഗാർഡ് മുഖേന സാമ്പത്തിക, സൈനിക പിന്തുണ നൽകൽ എന്നിവ സുലൈമാൻ ഖാസിം ചെയ്‌തു വന്നിരുന്നതായാണ് അമേരിക്കയുടെ കണ്ടെത്തൽ. അമേരിക്കൻ നയതന്ത്രജ്ഞർക്കും സൈനികർക്കുമെതിരെ ആക്രമണങ്ങൾ നടത്തുന്നതിന് പദ്ധതിയിട്ടുവെന്ന ഖാസിം സുലൈമാനിയുടെ വധത്തോടെ ലോകം കൂടുതൽ സുരക്ഷിതമായി മാറിയതായും മൈക് പെൻസ് പറഞ്ഞു.