തിരുവനന്തപുരം: ടി.പി സെന്‍കുമാറിനെ ഡി.ജി.പി ആക്കിയത് തനിക്കുപറ്റിയ മഹാപരാധമാണെന്ന് പ്രതിപക്ഷ നേതാവ് രമേശ് ചെന്നിത്തല. അതിന്റെ ദുരന്തം ഇപ്പോള്‍ നമ്മള്‍ അനുഭവിച്ചുകൊണ്ടിരിക്കുകയാണ്.
'ചക്കയാണേല്‍ ചുഴ്ന്നുനോക്കാം. ഇതിപ്പോ എന്തു ചെയ്യും. മഹേഷ്‌കുമാര്‍ സിംഗ്ല എത്തേണ്ട പദവിയായിരുന്നു അത്. അന്ന് ഒരു മലയാളി ഡി.ജി.പി ആകട്ടെ എന്നുകരുതി മാത്രമാണ് തീരുമാനമെടുത്തത്. എന്ത് ചെയ്യാനാണ് '- ചെന്നിത്തല മാധ്യമങ്ങളോട് പറഞ്ഞു.
അതേസമയം, സെന്‍കുമാറിനെതിരേ പ്രതിപക്ഷ നേതാവ് നടത്തിയ പരാമര്‍ശം അങ്ങേയറ്റം തരംതാണതാണെന്നും രമേശിന്റെ ഔദാര്യമല്ല ഡി.ജി.പി നിയമനമെന്നും ബി.ജെ.പി വക്താവ് എം.എസ് കുമാര്‍ പറഞ്ഞു. സുപ്രിം കോടതി വരെ അംഗീകരിച്ചതാണ് സെന്‍കുമാറിന് ആ പദവിക്കുള്ള അര്‍ഹതയെന്നും അദ്ദേഹം ചൂണ്ടിക്കാട്ടി.