ആനക്കര : ക്ഷേത്രങ്ങള്‍ അടക്കമുളള ആരാധനനാലയങ്ങള്‍ മതസൗഹാര്‍ദ്ദത്തിന്റെ കേന്ദ്രങ്ങളാകണമെന്ന് മലബാര്‍ ദേവസ്വം ബോര്‍ഡ് ചെയര്‍മാര്‍ സജീവ് മാറോളി പറഞ്ഞു. കുമ്പിടി പുറമതില്‍ശ്ശേരി അയ്യപ്പന്‍ കാവ് വിഷ്ണു നരസിംഹമൂര്‍ത്തി ക്ഷേത്രത്തിന്റെ അലങ്കാര ഗോപുരം ഉദ്ഘാടനം ചെയ്യുകയായിരുന്നു അദ്ദേഹം. ഇവിടുത്തെ മതസൗഹാര്‍ദ്ദം ഏവരും മാതൃകയാക്കേണ്ടതാണന്നും അദ്ദേഹം പറഞ്ഞു. എല്ലാ വിഭാഗം മതക്കാരുടെയും കൂട്ടായ്മയില്‍ നടന്ന ഉദ്ഘാടന ചടങ്ങാണ് അദ്ദേഹം പ്രസംഗത്തില്‍ എടുത്ത് പറയാന്‍ കാരണമായത്. ഇന്ത്യയിലെ മതസൗഹാര്‍ദ്ദമാണ് മറ്റു രാജ്യങ്ങള്‍ നോക്കി കാണുന്നതെന്നും അദ്ദേഹം പറഞ്ഞു. കുമ്പിടിയിലെ ദേവീകൃഷ്ണ കുടുംബമാണ് ക്ഷേത്രത്തിന് പ്രവേശന കവാടം നിര്‍മ്മിച്ച് നല്‍കിയത്.ആനക്കര പഞ്ചായത്ത് പ്രസിഡന്റ് സിന്ധുരവീന്ദ്രകുമാര്‍ അധ്യക്ഷയായി. രുദ്രന്‍ നമ്പൂതിരി, കുമാരസ്വാമിമാസ്റ്റര്‍, ഒ.കെ.എം.നീലകണ്ഠന്‍ നമ്പൂതിരി, പി.ബാലകൃഷ്ണന്‍, കെ.വിജയന്‍, സി.ടി.സെയ്തലവി, വിനോദ് പൂപ്പാല, കെ.മുഹമ്മദ്, ടി.ഷാജി, ദേവീകൃഷ്ണ ഉണ്ണി, കെ.സുബ്രഹ്മണ്യന്‍, ജിംജേഷ്, ഇ.പി.ഗോപാലകൃഷ്ണന്‍ പ്രസംഗിച്ചു.നൂറ്റാണ്ടുകള്‍ പഴക്കമുളള ഈ ക്ഷേത്രത്തിന്റെ ജീര്‍ണ്ണോദ്ധാരണ പ്രവര്‍ത്തനത്തിന്റെ ഭാഗമായുളള ചുറ്റമ്പല നിര്‍മ്മാണം നടന്നു വരുന്നു.