മെയ് അവസാനവാരമാണ് സോണി എക്‌സ്പീരിയ എക്‌സ് പുറത്തിറങ്ങിയത്. പുറത്തിറങ്ങുമ്പോള്‍ ഈ സ്മാര്‍ട്‌ഫോണിന്റെ ഇന്ത്യന്‍ വിപണിവില 48990, വിപണിയില്‍ പിടിച്ചു നില്‍ക്കാനായി ആദ്യം 10000 രൂപ കുറച്ചു. ഇപ്പോഴിതാ അതിശയിപ്പിക്കുന്ന രീതിയില്‍ വീണ്ടും വില കുറച്ചിരിക്കുന്നു. ചുരുക്കി പറഞ്ഞാല്‍ പകുതി വിലയ്ക്ക് സോണി എക്‌സ്പീരിയ സ്വന്തമാക്കാം.

ഇപ്പോള്‍ 14000 രൂപ കൂടി കുറച്ച് 24990 രൂപയ്ക്കാണ് ഈ സ്മാര്‍ട്‌ഫോണ്‍ വില്‍പന നടത്തുന്നത്. ഫഌപ്കാര്‍ടിലൂടെ ഇന്ത്യയില്‍ മാത്രമാണ് ഈ വിലക്കുറവുള്ളത്.

അഞ്ച് ഇഞ്ച് ഫുള്‍ എച്ച്ഡി ഡിസ്‌പ്ലേയാണ് എക്‌സ്പീരിയ എക്‌സിന്റേത്. ക്വാല്‍കോം സ്‌നാപ്ഡ്രാഗണ്‍ 650 പ്രൊസസര്‍, 3 ജിബി റാം, 64 ജിബി സ്റ്റോറേജ് 23 എംപി പ്രധാന കാമറ, 13 എംപി മുന്‍ കാമറ, 2620 mAh ബാറ്ററി എന്നിവയാണ് മറ്റു പ്രത്യേകതള്‍. നാലു നിറങ്ങളില്‍ എക്‌സ്പീരിയ എക്‌സ് ലഭ്യമാണ്.