താമരശ്ശേരി: എസ്.എസ്.എല്‍.സി പരീക്ഷയില്‍ മുഴുവന്‍ വിഷയങ്ങളിലും എ പ്ലസ് നേടിയ താമരശ്ശേരി ഗവ. ഹയര്‍സെക്കന്‍ഡറി സ്‌കൂളിലെ എട്ടു വിദ്യാര്‍ഥികള്‍ക്ക് പബ്ലിക് ലൈബ്രറി ഏര്‍പ്പെടുത്തിയ ടി.കെ ഗോവിന്ദന്‍കുട്ടി നായര്‍ സ്മാരക എന്‍ഡോവ്‌മെന്റ് അവാര്‍ഡ് ഗ്രാമപഞ്ചായത്ത് പ്രസിഡന്റ് കെ. സരസ്വതി വിതരണം ചെയ്തു. പി.ടി.എ പ്രസിഡന്റ് അഷ്‌റഫ് കോരങ്ങാട് അധ്യക്ഷനായി. എം. ബാലകൃഷ്ണന്‍ നായര്‍, പ്രിന്‍സിപ്പല്‍ എം. സന്തോഷ്‌കുമാര്‍, ഹെഡ്മിസ്ട്രസ് സുഗതകുമാരി, സി.വി മുഹമ്മദലി, ഹുസൈന്‍ കാരാടി, കെ.സി ടോമി, കെ. മുഹമ്മദ്, എ.പി സുകുമാരന്‍, കെ. ആദില സംസാരിച്ചു.