തിരുവനന്തപുരം: യാത്രാവേളകളില്‍ സ്ത്രീകളുടെ സുരക്ഷ ഉറപ്പുവരുത്തുന്നതിന് കൂടുതല്‍ ശക്തമായ നടപടികള്‍ സ്വീകരിക്കുമെന്ന് സംസ്ഥാന പൊലിസ് മേധാവി ലോക്‌നാഥ് ബെഹ്‌റ അറിയിച്ചു.
സ്ത്രീകള്‍ ഒറ്റയ്ക്ക് യാത്ര ചെയ്യുന്ന സന്ദര്‍ഭങ്ങളില്‍ 9846100100 എന്ന നമ്പരില്‍ വിളിച്ചറിയിച്ചാല്‍ പൊലിസ് അധിക സുരക്ഷയ്ക്കുള്ള നടപടികള്‍ സ്വീകരിക്കും.
വാഹനത്തിന്റെ നമ്പര്‍, ഡ്രൈവറുടെ പേര്, ഏതുതരം വാഹനം, എവിടെ നിന്ന് എങ്ങോട്ട് യാത്ര ചെയ്യുന്നു തുടങ്ങിയ വിവരങ്ങള്‍ യാത്ര പുറപ്പെടുമ്പോള്‍ പ്രസ്തുത നമ്പരിലോ തൊട്ടടുത്തുള്ള പൊലിസ് സ്റ്റേഷനിലോ അറിയിക്കാവുന്നതാണ്.
റെയില്‍വേ യാത്രാ വേളകളില്‍ 9846200100 എന്ന നമ്പരിലും അറിയിക്കാവുന്നതാണെന്ന് അദ്ദേഹം പത്രക്കുറിപ്പിലൂടെ അറിയിച്ചു.