തിരുവനന്തപുരം: പതിനൊന്ന് തദ്ദേശ സ്വയംഭരണ വാര്‍ഡുകളില്‍ ഇന്ന് ഉപതെരഞ്ഞെടുപ്പ് നടക്കും. ആറു ജില്ലകളിലെ ഒന്‍പത് ഗ്രാമ പഞ്ചായത്ത് വാര്‍ഡുകളിലും തൃശൂര്‍ കോര്‍പ്പറേഷന്‍ വാര്‍ഡിലും പനമരം ബ്ലോക്ക് പഞ്ചായത്ത് വാര്‍ഡിലുമാണ് ഉപതെരഞ്ഞെടുപ്പു നടക്കുന്നത്.
വോട്ടെടുപ്പ് രാവിലെ ഏഴിന് ആരംഭിച്ച് വൈകിട്ട് അഞ്ചിന് അവസാനിക്കും. നാളെ രാവിലെ 10 മണിക്കാകും വോട്ടെണ്ണല്‍. തിരുവനന്തപുരം ജില്ലയില്‍ പനവൂര്‍ ഗ്രാമപഞ്ചായത്തിലെ മിന്നിലം വാര്‍ഡ്, കൊല്ലം ജില്ലയില്‍ ആര്യങ്കാവ് ഗ്രാമപഞ്ചായത്തിലെ നെടുമ്പാറ വാര്‍ഡ്, കോട്ടയം ജില്ലയില്‍ മൂന്നിലവ് ഗ്രാമപഞ്ചായത്തിലെ മൂന്നിലവ് വാര്‍ഡ്, വിജയപുരം ഗ്രാമപഞ്ചായത്തിലെ പെരിങ്ങള്ളൂര്‍ വാര്‍ഡ്, എറണാകുളം ജില്ലയില്‍ പാമ്പാക്കുട ഗ്രാമപഞ്ചായത്തിലെ നെയ്ത്തുശാലപ്പടി വാര്‍ഡ്, തൃശൂര്‍ ജില്ലയില്‍ തൃശൂര്‍ കോര്‍പറേഷനിലെ മിഷന്‍ ക്വാര്‍ട്ടേഴ്‌സ് വാര്‍ഡ്, വാടാനപ്പള്ളി ഗ്രാമപഞ്ചായത്തിലെ വാടാനപ്പള്ളി വെസ്റ്റ് വാര്‍ഡ്, അളഗപ്പനഗര്‍ ഗ്രാമപഞ്ചായത്തിലെ തെക്കേക്കര വാര്‍ഡ്, പുത്തന്‍ചിറ ഗ്രാമപഞ്ചായത്തിലെ പിണ്ടാണി വാര്‍ഡ്, മലപ്പുറം ജില്ലയില്‍ അരീക്കോട് ഗ്രാമപഞ്ചായത്തിലെ താഴത്തങ്ങാടി വാര്‍ഡ്, വയനാട് ജില്ലയില്‍ പനമരം ബ്ലോക്ക്പഞ്ചായത്തിലെ പാക്കം വാര്‍ഡ് എന്നിവിടങ്ങളിലാണ് തെരഞ്ഞെടുപ്പ് നടക്കുന്നത്.