ഇരിങ്ങാലക്കുട: ഹര്‍ത്താലില്‍ കടതുറന്ന കാക്കത്തിരുത്തി സ്വദേശിയ്ക്ക് മര്‍ദനം. കാക്കാതിരുത്തി സ്വദേശി വലൂപറമ്പത്തില്‍ അനിയന്‍ (44) മര്‍ദനമേറ്റത്. കുറ്റികടവ് റോഡില്‍ പലചരക്കുകട നടത്തിവരുന്ന അനിയന്‍ രാവിലെ 10 മണിക്ക് കട തുറന്നു പുറത്തേക്ക് കൊണ്ടുപോകാന്‍ പഴകുലകള്‍ ഇറക്കുന്നതിനിടയില്‍ സമീപവാസിയായ യുവാവ് വന്നു കട അടക്കാവാന്‍ പറയുകയായിരുന്നു.
ഇതിനിടെ മൊബൈലില്‍ ഫോണ്‍ വന്നപ്പോള്‍ സംസാരിച്ച അനിയനെ മറ്റു രണ്ടുപേര്‍ കൂടി വന്നു ഇട്ടിക്കട്ട പോലുള്ള ആയുധം വച്ച് മുഖത്ത് ഇടിക്കുകയും കടയിലെ സാധനങ്ങള്‍ കേടുവരുത്തുകയുമായിരുന്നു.സമീപവാസികളായ കണ്ടാലറിവരാണ് തന്നെ മര്‍ദിച്ചതെന്നും രാഷ്ടീയ വൈരാഗ്യമാണ് മര്‍ദനത്തിനു കാരണമെന്നും ഇയാള്‍ പറഞ്ഞു.സി.പി.എം കാക്കത്തിരുത്തി ബ്രഞ്ച് അംഗമാണ് അനിയന്‍. സംഭവശേഷം ആശുപത്രിയിലേക്ക് വരുന്നതിനിടയില്‍ സമരാനുകൂലികള്‍ വാഹനം തടഞ്ഞു നിര്‍ത്തി ഭീഷണിപെടത്തിയതായും അനിയന്‍ പറഞ്ഞു. സംഭവത്തില്‍ കാട്ടൂര്‍ പൊലിസില്‍ പരാതി നല്‍കിയിട്ടുണ്ട്.