പാലക്കാട് : കേരള ശാസ്ത്ര സാഹിത്യ പരിഷത്തിന്റെ സംസ്ഥാന പ്രവര്‍ത്തക ക്യാംപ് ഇന്നുമുതല്‍ 6 വരെ മുണ്ടൂരിലുള്ള ഇന്റഗ്രേറ്റഡ് റൂറല്‍ ടെക്‌നോളജി സെന്ററില്‍ നടക്കും. കേരളത്തിലേയും ഇന്ത്യയിലേയും സമകാലിക സാമൂഹ്യാവസ്ഥയില്‍ ശാസ്ത്രബോധത്തിന്റെയും ജനപക്ഷസാങ്കേതികവിദ്യയുടെയും വ്യാപനവുമായി ബന്ധപ്പെട്ട ആശയസംവാദവും പ്രവര്‍ത്തനപരിപാടികളുടെ രൂപീകരണവും ക്യാമ്പിലെ പ്രധാന ചര്‍ച്ചാവിഷയങ്ങളാകും.
പ്രളയാനന്തരമുള്ള കേരള സാഹചര്യത്തില്‍ പാരിസ്ഥിതിക സുസ്ഥിരതയുള്ള പുനര്‍നിര്‍മ്മാണ പ്രവര്‍ത്തനങ്ങളുടെ ആവശ്യകതയും അനുയോജ്യസാങ്കേതിക വിദ്യകളും ക്യാമ്പില്‍ ചര്‍ച്ച ചെയ്യുന്നുണ്ട്. പ്രവര്‍ത്തക ക്യാംപിന്റെ ഒന്നാം ഇന്ന് ഐ.ആര്‍.ടി.സി.യില്‍ വികസിപ്പിച്ച സാങ്കേതികവിദ്യകളുടെ വിശകലനം നടക്കും. പ്രൊഫ.പി.കെ.രവീന്ദ്രന്‍, ആര്‍.സതീഷ്, ഡോ.എസ്.ശ്രീകുമാര്‍, പ്രൊഫ.ബി.എം.മുസ്തഫ, ഡോ.എന്‍.കെ.ശശിധരന്‍പിള്ള, ഡോ.എം.ബാലഗോപാലന്‍, ഡോ. കെ.രാജേഷ, ടി.പി. ശ്രീശങ്കര്‍,വി.ജി.ഗോപിനാഥന്‍, എ.കെ.മാത്യു വിവിധ അവതരണങ്ങള്‍ നടത്തും. നാളെ ഡോ. കെ.എന്‍.ഗണേശ്, പ്രൊഫ.സി.പി.നാരായണന്‍, ടി.കെ.മീരാബായി വിഷയാവതരണങ്ങള്‍ നടത്തും. കലാജാഥയുടെ അവതണവും ഓപ്പന്‍ ഫോറവും വൈകിട്ട് നടക്കും. ജനുവരി 6 ന് രാവിലെ 9 മണിക്ക് ഭരണഘടനയെക്കുറിച്ച് ഡോ.കെ.അരുണ്‍കുമാര്‍ ക്ലാസെടുക്കും. ഐ.ആര്‍.ടി.സി. പ്രവര്‍ത്തനങ്ങളെക്കുറിച്ചുള്ള പാനല്‍ പ്രദര്‍ശനവും ഒരുക്കിയിട്ടുണ്ട്. 150 പ്രതിനിധികള്‍ പങ്കെടുക്കും.