വെള്ളമുണ്ട: എം.എസ്.ഡി.പി. പദ്ധതിയില്‍ ഉള്‍പ്പെടുത്തി വെള്ളമുണ്ട ഗവ. ഹയര്‍ സെക്കന്‍ഡറി സ്‌കൂളിന് നിര്‍മിച്ച പുതിയ കെട്ടിടത്തിന്റെ ഉദ്ഘാടനം ഒ.ആര്‍. കേളു എം.എല്‍.എ. നിര്‍വഹിച്ചു. പരീക്ഷകളില്‍ മികച്ചവിജയം നേടിയ വിദ്യാര്‍ഥികള്‍ക്കുള്ള ഉപഹാരവും കാഷ് അവാര്‍ഡും ജില്ലാ പഞ്ചായത്ത് വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ എ. ദേവകി വിതരണം ചെയ്തു.
വെള്ളമുണ്ട പഞ്ചായത്ത് പ്രസിഡന്റ് പി. തങ്കമണി അധ്യക്ഷയായി. മെഡിക്കല്‍ പ്രവേശന പരീക്ഷയില്‍ ഉന്നതവിജയം നേടിയ പി. സഫിയക്ക് എം.എല്‍.എ. ഉപഹാരം നല്‍കി. പി.ടി.എ. പ്രസിഡന്റ് ടി. നാസര്‍, നിര്‍മിതി കേന്ദ്ര പ്രൊജക്ട് മാനേജര്‍ സാജിത്ത്, ബ്ലോക്ക് അംഗം ഖമര്‍ലൈല, പഞ്ചായത്ത് അംഗങ്ങളായ സക്കീന, ജോണി, എം.പി.ടി.എ. പ്രസിഡന്റ് റംല മുഹമ്മദ്, ഇ.കെ. മുഹമ്മദലി, പ്രിന്‍സിപ്പല്‍ നിര്‍മലാദേവി, ഹെഡ്മാസ്റ്റര്‍ എം. മമ്മു, മിനി തോമസ്, കെ.ബി. അനില്‍കുമാര്‍, ബിനോയ് കുമാര്‍ സംസാരിച്ചു.