ആലപ്പുഴ: സാമൂഹിക നീതി വകുപ്പിന്റെ കീഴില്‍ സംയോജിത ശിശുസംരക്ഷണ പദ്ധതിയുടെ ഭാഗമായി പ്രവര്‍ത്തിക്കുന്ന ജില്ലാ ശിശുസംരക്ഷണ യൂണിറ്റില്‍ വിവിധ തസ്തികകളിലേക്ക് ഒരുവര്‍ഷത്തെ കരാര്‍ അടിസ്ഥാനത്തില്‍ നിയമനം നടത്തുന്നു. ലീഗല്‍ കം പ്രൊബേഷന്‍ ഓഫീസര്‍ തസ്തികയ്ക്ക് എല്‍.എല്‍.ബിയാണ് യോഗ്യത; മാസം 21,000 രൂപ ഓണറേറിയം ലഭിക്കും. കൗണ്‍സിലര്‍ തസ്തികയ്ക്ക് 14,000 രൂപ മാസം ഓണറേറിയം ലഭിക്കും സെക്കോളജിയിലോ സോഷ്യല്‍ വര്‍ക്കിലോ ഉള്ള ബിരുദം അല്ലെങ്കില്‍ ബിരുദാനന്തര ബിരുദമാണ് യോഗ്യത. യോഗ്യരായ ഉദ്യോഗാര്‍ഥികള്‍ നിശ്ചിത മാതൃകയിലുള്ള അപേക്ഷ, യോഗ്യത, പ്രവൃത്തി പരിചയം എന്നിവ തെളിയിക്കുന്ന സര്‍ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകര്‍പ്പുകള്‍ സഹിതം മാര്‍ച്ച് 17നകം ജില്ലാ ശിശു സംരക്ഷണ ഓഫീസര്‍, ജില്ല ശിശു സംരക്ഷണ യൂണിറ്റ്, ലത്തീന്‍ പള്ളി ബില്‍ഡിംങ്, കോണ്‍വെന്റ് സ്വകയര്‍, ആലപ്പുഴ 688 001 എന്ന വിലാസത്തില്‍ നല്‍കണം.