മണ്ണഞ്ചേരി:പൊന്നാട് ഗവ:എല്‍ പി സ്‌കൂള്‍ അറുപതാം വാര്‍ഷികാഘോഷം 'മിന്നും പൊന്നാടിന് 'തുടക്കമായി. ഒരു വര്‍ഷക്കാലം നീണ്ടുനില്‍ക്കുന്ന പരിപാടികളാണ് ആസൂത്രണം ചെയ്തിരിക്കുന്നത്.
ആഘോഷത്തിന്റെ ഭാഗമായി സംഘടിപ്പിച്ച രുചിക്കൂട്ട്-ഭക്ഷ്യമേള മന്ത്രി പി തിലോത്തമന്‍ ഉദ്ഘാടനം ചെയ്തു. കേരളാഭാഷാ ഇന്‍സ്റ്റിറ്റ്യൂട്ട് റിസര്‍ച്ച് ഓഫീസര്‍ സി.അശോകന്‍ പൂര്‍വ്വ വിദ്യാര്‍ഥി സംഗമം ഉദ്ഘാടനം ചെയ്തു. പൂര്‍വ്വ വിദ്യാര്‍ഥിയും വെയര്‍ ഹൗസിംഗ് കോര്‍പ്പറേഷന്‍ എം ഡിയുമായ പി.എച്ച് അഷ്‌റഫ് മുന്‍ അധ്യാപകരെ ആദരിച്ചു. സംഘാടക സമിതി ചെയര്‍മാന്‍ എം കെ രാജേന്ദ്രന്‍ അധ്യക്ഷനായി.പള്ളിക്കൂടം കൂട്ടായ്മ സെക്രട്ടറി ഷിഹാബുദ്ദീന്‍ വട്ടച്ചിറ സ്വാഗതവും ഹെഡ്മിസ്ട്രസ് കെ ഇ എല്‍സമ്മ നന്ദിയും പറഞ്ഞു. സാംസ്‌ക്കാരിക ഘോഷയാത്രയ്ക്ക് ശേഷം ചേര്‍ന്ന സമ്മേളനം കെ സി വേണുഗോപാല്‍ എം പി ഉദ്ഘാടനം ചെയ്തു. പഞ്ചായത്ത് വൈസ് പ്രസിഡന്റ് മഞ്ജുരതികുമാര്‍ അധ്യക്ഷയായി. ജില്ലാപഞ്ചായത്ത് പ്രസിഡന്റ് ജി വേണുഗോപാല്‍ മഹത് വ്യക്തികളേയും ബ്ലോക്ക് പഞ്ചായത്ത് പ്രസിഡന്റ് ഷീനാസനല്‍കുമാര്‍ പ്രതിഭകളേയും ആദരിച്ചു.
സീരിയല്‍ താരം ഗായത്രി വിശിഷ്ടാതിഥിയായി. ഉപഹാര സമര്‍പ്പണം എ മുഹമ്മദ് കുഞ്ഞ് നിര്‍വഹിച്ചു.
പി എ ജുമൈലത്ത്,മനോഹരന്‍ നന്തികാട്,എസ് നവാസ്,എം.വി സുഭാഷ്,കെ വി മേഘനാഥന്‍,പി.എ സബീന,എസ് ടി റെജി,കെ വി കിഷോര്‍കുമാര്‍,ഹസീനാബഷീര്‍,ആര്‍ റിയാസ് എന്നിവര്‍ സംസാരിച്ചു. ജനറല്‍ കണ്‍വീനര്‍ വി എന്‍ നടരാജന്‍ സ്വാഗതവും പ്രോഗ്രാം കണ്‍വീനര്‍ കെ.എസ് ലാലിച്ചന്‍ നന്ദിയും പറഞ്ഞു.