അരൂര്‍:എഴുപുന്ന ശ്രീനാരായണപുരം പ്രദേശത്ത് കഞ്ചാവ് സംഘത്തിന്റെ ആക്രമണത്തില്‍ നാലുപേര്‍ക്ക് പരുക്ക്.
എഴുപുന്ന പഞ്ചായത്ത് പതിനഞ്ചാം വാര്‍ഡില്‍ കോനാട്ടുതറയില്‍ അനീഷ്(26),മനേജ് (25), പേനാടി നികര്‍ത്തില്‍ അഖില്‍ (25), പതിനാറാം വാര്‍ഡില്‍ വെള്ളയില്‍ പടിഞ്ഞാറെ നികര്‍ത്തില്‍ ധനൂപ് (28) എന്നിവര്‍ക്കാണ് പരുക്കേറ്റത്.ഇവരെ തുറവൂര്‍ താലൂക്ക് ആശുപത്രിയില്‍ പ്രവേശിപ്പിച്ചു.ഞായറാഴ്ച രാത്രി എട്ടരയോടെ എഴുപുന്ന ശ്രീനാരായണപുരം ക്ഷേത്ര പരിസരത്തുവച്ച് ഒരുസംഘം ഇരുട്ടിന്റെ മറവില്‍ ആക്രമിക്കുകയായിരുന്നു.ആക്രമണത്തിനു ശേഷം സംഘം ഇവരെ സമീപത്തുള്ള അഴുക്കുനിറഞ്ഞ പൊട്ടക്കുളത്തില്‍ തള്ളിയിട്ടതായും പറയുന്നു.കുപ്പിച്ചില്ല് നിഞ്ഞുകിടന്ന കുളത്തില്‍ വീണ ഇവരുടെ ശരീരഭാഗങ്ങളില്‍ ചില്ലുകള്‍ കയറി മുറിവേറ്റിട്ടുണ്ട്. എഴുപുന്ന ശ്രീനാരായണപുരം ക്ഷേത്രത്തിലെ ഉത്സവത്തിന് പോകുമ്പേഴായിരുന്നു ആക്രമണം. അരൂര്‍ പോലീസില്‍ പരാതി നല്‍കി.