അടിമാലി: സ്റ്റുഡന്റ്‌സ് പൊലിസ് കേഡറ്റിന്റെ പുതിയ യൂനിറ്റ് അടിമാലി സര്‍ക്കാര്‍ സ്‌കൂളില്‍ ആരംഭിക്കുന്നു. ജില്ലയില്‍ രണ്ടു സ്‌കൂളുകളിലാണ് പുതിയ യൂനിറ്റ് ആരംഭിക്കുന്നത്. കുഞ്ചിത്തണ്ണി ഗവ. ഹയര്‍ സെക്കന്‍ഡറി സ്‌കൂള്‍, അടിമാലി ഗവ. സ്‌കൂള്‍ എന്നിവിടങ്ങളിലാണ് പൂതിയ യൂനിറ്റ്. 630 കുട്ടികളുള്ള അടിമാലി സ്‌കൂളില്‍ 350ഓളം ആദിവാസികുട്ടികളാണ് പഠിക്കുന്നത്. സ്‌കൂള്‍ പി.ടി.എ പ്രസിഡന്റ് പി.എച്ച് നാസറിന്റെ നേതൃത്വത്തില്‍ നല്‍കിയ നിവേദനത്തിന്റെ അടിസ്ഥാനത്തിലാണ് ഇപ്പോള്‍ യൂനിറ്റ് തുടങ്ങാനായത്. എസ്.പി.സി യൂനിറ്റിന്റെ ഉദ്ഘാടനം നാടിന്റെ ഉത്സവമാക്കാനുള്ള തയാറെടുപ്പിലാണ് സ്‌കൂള്‍ അധികൃതര്‍.