കോട്ടയം: കൊച്ചിയില്‍ പ്രമുഖ നടിക്ക് നേരെയുണ്ടായ ആക്രമണം അപലപനീയമാണെന്ന് കെ.എം മാണി എം.എല്‍.എ. കോട്ടയം ബി.സി.എം കോളജ് കൊമേഴ്‌സ് വിഭാഗം സംഘടിപ്പിച്ച മൂന്നാമത് പ്രഭാഷണ പരമ്പര 'കേന്ദ്ര ബജറ്റ് 2017-2018'ല്‍ പങ്കെടുത്ത ശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.
ഇനി ഇത്തരത്തിലുള്ള സംഭവങ്ങള്‍ ആവര്‍ത്തിക്കപ്പെടരുത്. ശക്തമായ നടപടി സ്വീകരിച്ച് പ്രതികളെ മാതൃകാപരമായി നിയമത്തിന് മുന്നില്‍ കൊണ്ടുവരണം. ക്രമസമാധാന നില പലതരത്തില്‍ തകര്‍ന്നിരിക്കുന്നു. തകര്‍ച്ചയില്‍ നിന്ന് കേരളത്തെ മെച്ചപ്പെടുത്താന്‍ സംസ്ഥാന സര്‍ക്കാര്‍ തയാറാകണമെന്നും അദ്ദേഹം പറഞ്ഞു.