കുറ്റ്യാടി: നരിക്കൂട്ടുംചാല്‍ ടൗണ്‍ മുസ്‌ലിംലീഗ് കമ്മിറ്റിയുടെ നേതൃത്വത്തില്‍ ശിഹാബ് തങ്ങള്‍ റിലീഫ് സെന്ററിന്റെ ഭാഗമായി പ്രദേശത്തെ നിര്‍ധന കുടുംബങ്ങള്‍ക്ക് റമദാന്‍ കിറ്റുകള്‍ വിതരണം ചെയ്തു. അര്‍ഹരായവരുടെ വീടുകളില്‍ പ്രവര്‍ത്തകര്‍ കിറ്റ് എത്തിച്ചുകൊടുക്കുകയായിരുന്നു.
കുറ്റ്യാടി മണ്ഡലം മുസ്‌ലിംലീഗ് സെക്രട്ടറി സി.വി മൊയ്തു മാസ്റ്റര്‍ ഉദ്ഘാടനം ചെയ്തു. കെ.പി അബ്ദുറഹ്മാന്‍ അധ്യക്ഷനായി.സൂപ്പി കാര്യപറമ്പത്ത്, എം.കെ അബ്ദുറഹ്മാന്‍, ഒ.സി കരീം, വി.കെ ഫൈസല്‍, വി.പി ജൈസല്‍ മാസ്റ്റര്‍, കല്ലില്‍ ബഷീര്‍, കണ്ടോത്ത് അമ്മത്, കെ.പി ഷൗക്കത്ത്, റഊഫുദ്ദീന്‍ സംസാരിച്ചു.